قاقاعان اياز: ەلىمىزدە -25 گرادۋسقا دەيىن كۇن سۋىتپاق

2766
Adyrna.kz Telegram

«قازگيدرومەت» سينوپتيكتەرى 18-20 قاراشا ارالىعىندا قازاقستانداعى اۋا رايى بولجامىن ۇسىندى،دەپ حابارالايدى "ادىرنا" ۇلتتىق پورتالى.

بۇل كۇندەرى قازاقستاننىڭ باسىم بولىگىندە اتلانتيكالىق تسيكلونمەن جانە اتموسفەرالىق فرونتتاردىڭ وتۋىمەن تۇراقسىز اۋا رايى ساقتالادى، قار كۇتىلەدى، شىعىس قازاقستان وبلىسىنىڭ سولتۇستىك-شىعىسىندا – قالىڭ قار جاۋادى.

رەسپۋبليكا بويىنشا تۇمان، كوكتايعاق، سونداي-اق ەلدىڭ سولتۇستىك جارتىسىندا بۇرقاسىن، ەكپىندى جەل كۇتىلەدى.

20 قاراشادا سۋىق سولتۇستىك-باتىس انتيتسيكلونىنىڭ باسىپ كىرۋىمەن رەسپۋبليكانىڭ باسىم بولىگىندە جاۋىن-شاشىن توقتايدى دەپ كۇتىلۋدە، الايدا كەلەسى تسيكلوننىڭ اسەرىنەن ەلىمىزدىڭ باتىسىندا جانە سولتۇستىك-باتىسىندا قايتادان قار ارالاس جاڭبىر جاۋادى.

«اۋا تەمپەراتۋراسىنىڭ اۋىتقۋى باتىس قازاقستاندا تۇندە 0 ...- 5 ° س-تان -5 ...- 10 ° س، سولتۇستىك-باتىستا، سولتۇستىكتە، ورتالىقتا -5 ...- 15 ° س-قا دەيىن. وڭتۇستىك وبلىستاردا اۋا تەمپەراتۋراسى -5 ...- 13 ° س-تان -8 ...- 16 ° س-قا دەيىن تومەندەيدى، شىعىستا -2 .. .- 10 ° س-تان -15 ...- 25 ° C »، - دەلىنگەن حابارلامادا.

"ادىرنا" ۇلتتىق پورتالى

پىكىرلەر