كەشە اقمولا وبلىسىنىڭ شورتاندى كەنتى لينەينايا كوشەسىندە گاز باللونى جارىلدى، دەپ حابارلايدى «ادىرنا» ءتىلشىسى.
«ساعات 21:38-دە شورتاندى كەنتىنىڭ №18 بايلانىس پۋنكتىنە پوليتسيا ءبولىمىنىڭ كەزەكشىسىنەن گاز باللوننىڭ جارىلعاندىعى تۋرالى حابارلاما كەلىپ ءتۇستى.
ءورتتى سوندىرۋگە تجد 35 قىزمەتكەرى مەن 7 تەحنيكاسى، «جەر انا» جشس مەوقق-نىڭ 4 قىزمەتكەرى مەن 1 تەحنيكاسى جۇمىلدىرىلدى»،– دەلىنگەن حابارلامادا.
باراق ۇلگىسىندەگى پاتەردە ءورت شىعىپ، شاتىرىن تولىقتاي جالىن شارپىعان. ءورتتىڭ اۋماعى شامامەن 350 شارشى مەتردى قۇرادى.
ءورت ساعات 22-35-تە اۋىزدىقتالىپ، ساعات 23:55-تە تولىق ءسوندىرىلدى.
وقيعا ورنىنان 3 ادامنىڭ ءمايىتى تابىلدى. تاعى ون ادام ءتۇرلى دەنە جاراقاتتارمەن اۋداندىق ورتالىق اۋرۋحاناعا جەتكىزىلدى.
وقيعانىڭ ءمان-جايى مەن سەبەپتەرىن انىقتاۋ ءۇشىن اقمولا و،لىستىق تەرگەۋ-جەدەل توبى جانە زەرتتەۋ-ءورت زەرتحاناسى جۇمىس ىستەۋدە.
«ادىرنا» ۇلتتىق پورتالى
