Keşe Aqmola oblysynyŋ Şortandy kentı Lineinaia köşesınde gaz ballony jaryldy, dep habarlaidy «Adyrna» tılşısı.
«Saǧat 21:38-de Şortandy kentınıŋ №18 bailanys punktıne polisiia bölımınıŋ kezekşısınen gaz ballonnyŋ jarylǧandyǧy turaly habarlama kelıp tüstı. Örttı söndıruge TJD 35 qyzmetkerı men 7 tehnikasy, «Jer Ana» JŞS MEÖQQ-nyŋ 4 qyzmetkerı men 1 tehnikasy jūmyldyryldy»,– delıngen habarlamada.Baraq ülgısındegı päterde ört şyǧyp, şatyryn tolyqtai jalyn şarpyǧan. Örttıŋ aumaǧy şamamen 350 şarşy metrdı qūrady. Ört saǧat 22-35-te auyzdyqtalyp, saǧat 23:55-te tolyq söndırıldı. Oqiǧa ornynan 3 adamnyŋ mäiıtı tabyldy. Taǧy on adam türlı dene jaraqattarmen audandyq ortalyq auruhanaǧa jetkızıldı. Oqiǧanyŋ män-jaiy men sebepterın anyqtau üşın Aqmola o,lystyq tergeu-jedel toby jäne zertteu-ört zerthanasy jūmys ısteude.
«Adyrna» ūlttyq portaly
