قازاقستاندا مۇعالىمدەرگە 50 پايىزعا دەيىن قوسىمشا اقى بەرۋ زاڭداستىرىلدى

2018
Adyrna.kz Telegram

قازاقستاندا مۇعالىمدەرگە 50 پايىزعا دەيىن قوسىمشا اقى بەرۋ زاڭداستىرىلدى، - دەپ حابارلايدى  "ادىلەت" نورماتيۆتىك قۇقىقتىق اكتىلەردىڭ اقپاراتتىق-قۇقىقتىق جۇيەسى.

وزگەرىستەر قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى № 1193 "ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى" قاۋلىسىنا ەنگىزىلگەن.

جاڭارتىلعان ءبىلىم مازمۇنى بويىنشا باستاۋىش، نەگىزگى جانە جالپى ورتا ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ مۇعالىمدەرىنە 30 پايىز كولەمىندە قوسىمشا اقى بەرىلەتىنى ايتىلادى.

"كورسەتىلگەن قوسىمشا اقىنى بەلگىلەۋ ءتارتىبى مەن شارتتارىن ءبىلىم بەرۋ سالاسىنداعى ۋاكىلەتتى ورگان ايقىندايدى. اتالعان قوسىمشا اقى لاۋازىمدىق ايلىقاقىعا زاڭنامادا بەلگىلەنگەن نورماتيۆتىك وقۋ جۇكتەمەسىنەن ارتىق ەمەس ناقتى جۇكتەمەنى ەسكەرە وتىرىپ بەلگىلەنەدى", - دەلىنگەن قۇجاتتا.

سونداي-اق، ءبىلىم بەرۋ باعدارلامالارىن ىسكە اسىراتىن ۇلتتىق بىلىكتىلىك تەستىنەن وتكەن باستاۋىش، نەگىزگى جانە جالپى ورتا ءبىلىم بەرەتىن مۇعالىمدەرگە: پەداگوگ-شەبەر، پەداگوگ-زەرتتەۋشى، پەداگوگ-ساراپشى، پەداگوگ-مودەراتورلارعا 30-50 پايىز كولەمىندە قوسىمشا اقى تولەنەتىنى ايتىلادى.

"كورسەتىلگەن قوسىمشا اقىنى بەلگىلەۋ ءتارتىبى مەن شارتتارىن ءبىلىم بەرۋ سالاسىنداعى ۋاكىلەتتى ورگان ايقىندايدى. اتالعان قوسىمشا اقى لاۋازىمدىق ايلىقاقىعا زاڭنامادا بەلگىلەنگەن نورماتيۆتىك وقۋ جۇكتەمەسىنەن ارتىق ەمەس ناقتى جۇكتەمەنى ەسكەرە وتىرىپ بەلگىلەنەدى. وسى تارماق 2018 جىلعى 1 قىركۇيەكتەن باستاپ قولدانىسقا ەنگىزىلەدى", - دەلىنگەن قۇجاتتا.

وسى قاۋلىنىڭ 2018 جىلدىڭ 1 قاڭتارىنان باستاپ قولدانىسقا ەنگىزىلەتىنى ايتىلادى.


tengrinews.kz

 


 

پىكىرلەر