Qazaqstanda muǵalimderge 50 paıyzǵa deıin qosymsha aqy berý zańdastyryldy, - dep habarlaıdy "Ádilet" normatıvtik quqyqtyq aktilerdiń aqparattyq-quqyqtyq júıesi.
Ózgerister Qazaqstan Respýblıkasy Úkimetiniń 2015 jylǵy 31 jeltoqsandaǵy № 1193 "Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly" qaýlysyna engizilgen.
Jańartylǵan bilim mazmuny boıynsha bastaýysh, negizgi jáne jalpy orta bilim beretin oqý baǵdarlamalaryn iske asyratyn bilim berý uıymdarynyń muǵalimderine 30 paıyz kóleminde qosymsha aqy beriletini aıtylady.
"Kórsetilgen qosymsha aqyny belgileý tártibi men sharttaryn bilim berý salasyndaǵy ýákiletti organ aıqyndaıdy. Atalǵan qosymsha aqy laýazymdyq aılyqaqyǵa zańnamada belgilengen normatıvtik oqý júktemesinen artyq emes naqty júktemeni eskere otyryp belgilenedi", - delingen qujatta.
Sondaı-aq, bilim berý baǵdarlamalaryn iske asyratyn ulttyq biliktilik testinen ótken bastaýysh, negizgi jáne jalpy orta bilim beretin muǵalimderge: pedagog-sheber, pedagog-zertteýshi, pedagog-sarapshy, pedagog-moderatorlarǵa 30-50 paıyz kóleminde qosymsha aqy tólenetini aıtylady.
"Kórsetilgen qosymsha aqyny belgileý tártibi men sharttaryn bilim berý salasyndaǵy ýákiletti organ aıqyndaıdy. Atalǵan qosymsha aqy laýazymdyq aılyqaqyǵa zańnamada belgilengen normatıvtik oqý júktemesinen artyq emes naqty júktemeni eskere otyryp belgilenedi. Osy tarmaq 2018 jylǵy 1 qyrkúıekten bastap qoldanysqa engiziledi", - delingen qujatta.
Osy qaýlynyń 2018 jyldyń 1 qańtarynan bastap qoldanysqa engiziletini aıtylady.
tengrinews.kz
