شىمكەنت قالاسىنىڭ جۇىسمپەن قامتۋ جانە الەۋمەتتىك قورعاۋ باسقارماسى تاراپىنان حالىقتى جۇمىسپەن قامتۋ شارالارى ءۇش باعىتتا جۇرگىزىلەدى. ولار «ەڭبەك» باعدارلاماسى، «جۇمىسپەن قامتۋ جول كارتاسى» جانە سالالىق باعدارلامالار نەگىزىندە قۇرىلاتىن جۇمىس ورىندارى.
مەملەكەتتىك جانە سالالىق باعدارلامالار نەگىزىندە 23 722 جۇمىس ورنىن قۇرۋ جوسپارلانعان. ونىڭ ىشىندە تۇراقتى – 14 233, ۋاقىتشا – 9 489. بۇگىندە ناقتى 21 325 ورىن اشىلعان (89,9%), اتاپ ايتقاندا 13 207 – تۇراقتى جۇمىس ورىندارى، ال 8118 – ۋاقىتشا جۇمىس ورىندارى.
جۇمىسپەن قامتۋدىڭ 2020-2021 جىلدارعا ارنالعان جول كارتاسى شەڭبەرىندە بيىل شىمكەنتتە بارلىعى 12 ينفراقۇرىلىمدىق جوبا ناقتىلانىپ، ميكروكرەديت بەرۋ جانە بيزنەستى دامىتۋ باعىتتارى بەكىتىلدى.
ءبىرىنشى باعىتتا، 12 نىساننىڭ قۇرىلىسى كوزدەلگەن. ول 2 ءبىلىم بەرۋ، 1 سپورت، 1 سۋمەن جانە 8 ەلەكترمەن قامتۋ نىساندارى.
قۇرىلاتىن جۇمىس ورىندارى 392, ونىڭ ىشىندە 198 ورىنعا ازاماتتار جۇمىسقا قالالىق حالىقتى جۇمىسپەن قامتۋ ورتالىعى ارقىلى جولدانۋ كوزدەلسە، بۇگىندە ناقتى ورنالاسقانى -379, ورتالىق ارقىلى 198 جۇمىسسىز ازامات جۇمىسقا ورنالاستى.
نىسانداردىڭ بىرەۋى 2020 جىلدان وتپەلى، 11 جوبا جاڭادان باستالعان جوبالار، ولار بويىنشا قۇرىلىس-مونتاج جۇمىستارى جۇرگىزىلۋدە. قۇرىلعان جۇمىس ورىندارىنىڭ سانى- 348.
- 3 جوبا الەۋمەتتىك-مادەني وبەكتىلەرگە باعىتتالعان. قۇرىلاتىن جۇمىس ورىندارى 120 ورىن، ناقتى 122 ورىن اشىلىپ، ازاماتتار جۇمىسقا ورنالاستى. جۇمىستاردى ۇيلەستىرۋشى قۇرىلىس باسقارماسى بولىپ تابىلادى.
- 9 جوبا تۇرعىن ءۇي-كوممۋنالدىق شارۋاشىلىق وبەكتىلەرىندە قۇرىلىس جۇمىستارى، قۇرىلاتىن جۇمىس ورنى -257.
ەكىنشى باعىتتا شاعىن، ورتا بيزنەستى دامىتۋ، جۇمىس ورىندارىن قۇرۋ ءۇشىن ميكروكرەديتتەر بەرۋ كوزدەلگەن. بۇگىنگى كۇنگە قر ۇلتتىق ەكونوميكا مينيسترلىگى، قر قارجى مينيسترلىگى جانە شىمكەنت قالاسى اكىمدىگى اراسىندا كرەديتتىك كەلىسىم شارت تۇزىلگەن.
