بەلگىلى قازاقستاندىق قارجىگەر داۋلەت سەمباەۆ قايتىس بولدى

2503
Adyrna.kz Telegram

بەلگىلى قازاقستاندىق قارجىگەر داۋلەت سەمباەۆ 87 جاسىنا قاراعان شاعىندا قايتىس بولدى. قارالى حاباردى ءماجىلىس دەپۋتاتى ايدوس سارىم جەتكىزدى، دەپ حابارلايدى "ادىرنا" ۇلتتىق پورتالى.

- داۋلەت حاميتۇلى سەمباەۆ دۇنيەدەن وزىپتى... عالامات ادام، عالامات ازامات ەدى...، - دەپ جازدى سارىم Facebook پاراقشاسىندا.

داۋلەت سەمباەۆ 1935 جىلى 10 تامىزدا دۇنيەگە كەلگەن.

1991-1993 جىلدارى قازاقستان پرەمەر-ءمينيسترىنىڭ ورىنباسارى جانە ءبىرىنشى ورىنباسارى بولدى.

1993-1996 جىلدارى ۇلتتىق بانكتى باسقاردى.

1996-1997 جىلدارى سەنات دەپۋتاتى بولدى.

ءار جىلدارى قازاقستان قارجىگەرلەر قاۋىمداستىعىن باسقاردى، 2005 جىلدان باستاپ قازاقستان قارجىگەرلەرى قاۋىمداستىعى كەڭەسىنىڭ قۇرمەتتى توراعاسى بولدى.

ايتا كەتەيىك، 15 قاراشا قارجىگەرلەر كۇنى جانە ءتول تەڭگەمىزدىڭ اينالىمعا ەنگەن كۇنى. داۋلەت سەمباەۆ قازاقستاننىڭ ۇلتتىق ۆاليۋتانى ەنگىزۋ جونىندەگى مەملەكەتتىك كوميسسياسىنىڭ قۇرامىندا بولدى.

"ادىرنا"  ۇجىمى  مارقۇمنىڭ تۋعان-تۋىستارىنىڭ قايعىسىنا ورتاقتاسىپ، كوڭىل ايتادى.

"ادىرنا" ۇلتتىق پورتالى

 

پىكىرلەر