Cينوپتيكتەر ەرتەڭ، 15 قاراشا كۇنگى ەلىمىزدەگى اۋا رايىنا قاتىستى بولجام جاريالادى، دەپ حابارلايدى "ادىرنا" ۇلتتىق پورتالى "قازگيدرومەتكە" سىلتەمە جاساپ.
"قازاقستان اۋماعى ارقىلى وتەتىن سولتۇستىك-باتىس تسيكلون ىقپالىمەن سولتۇستىك ايماقتا قار ءتۇسىپ، وڭتۇستىكتە جاڭبىر جاۋادى. ەلىمىزدىڭ كوپتەگەن بولىگىندە جەل كۇشەيىپ، سولتۇستىكتە – جاياۋ بۇرقاسىن، كوكتايعاق، تۇمان كۇتىلىپ وتىر، - دەلىنگەن سينوپتيكتەر حابارلاماسىندا.
ايماقتارعا توقتالساق، ەرتەڭ اقمولا وبلىسىنىڭ وڭتۇستىك-شىعىسىندا كوكتايعاق، جاياۋ بۇرقاسىن، جەلدىڭ سەكۋندىنا 15-20 مەتر جىلدامدىقپەن سوعۋى كۇتىلۋدە. قوستاناي وبلىسىنىڭ سولتۇستىگىندە جاياۋ بۇرقاسىن بولىپ، جەل 15 م/س دەيىن كۇشەيەدى. اقتوبە وبلىسىنىڭ باتىسى مەن سولتۇستىگىندە جاياۋ بۇرقاسىن، كوكتايعاق بولۋى ىقتيمال. ال تۇركىستان وبلىسىنىڭ سولتۇستىگىندە، باتىسىندا تاۋلى ايماقتاردا جەل 15-20 م/س دەيىن كۇشەيىپ، تۇندە جەل ەكپىنى 23 م/س دەيىن جەتەدى، وبلىستىڭ وڭتۇستىگى مەن تاۋلى اۋداندارىندا تۇمان تۇسەدى.
-شىعىس قازاقستان وبلىسىنىڭ سولتۇستىگىندە تۇمان تۇسەدى، كوكتايعاق، جاياۋ بۇرقاسىن، ال باتىسىندا – جەل 15-20 م/س دەيىن كۇشەيەدى. قاراعاندى وبلىسىنىڭ سولتۇستىگى، شىعىسى جانە ورتالىعىندا كوكتايعاق بولىپ، جاياۋ بۇرقاسىن كۇتىلۋدە. جەل ەكپىنى سەكۋندىنا 15-20 م/س دەيىن جەتەدى. جامبىل وبلىسىنىڭ وڭتۇستىك-باتىس، سولتۇستىك-شىعىس جانە تاۋلى ايداندارىندا جەل 15-20 م/س دەيىن ارتادى، تۇندە ەكپىنى 23-28, كەي كەزدە 30 م/س جانە ودان دا جوعارى بولادى. تۇندە جانە تاڭەرتەڭ وڭتۇستىك-باتىس، سولتۇستىك-شىعىس جانە تاۋلى اۋدانداردا تۇمان ءتۇسىپ، كوكتايعاق، بۇرقاسىن بولادى، — دەلىنگەن حابارلامادا.
سونداي-اق قىزىلوردا وبلىسىنىڭ سولتۇستىگىندە تاڭەرتەڭ جانە كۇندىز كوكتايعاق بولۋى ىقتيمال. سولتۇستىك قازاقستان وبلىسىنىڭ وڭتۇستىك-باتىسىندا، ماڭعىستاۋ وبلىسىنىڭ باتىس، سولتۇستىك-شىعىسىندا، اتىراۋ وبلىسىنىڭ باتىسىندا تۇندە جانە تاڭەرتەڭ تۇمان تۇسەدى. باتىس قازاقستان وبلىسىنىڭ سولتۇستىگىندە تۇمان ءتۇسىپ، كوكتايعاق كۇتىلەدى.
ال الماتى وبلىسىنىڭ وڭتۇستىگى مەن شىعىسىندا تۇمان ءتۇسىپ، كوكتايعاق بولادى، ال سولتۇستىك، وڭتۇستىك جانە شىعىسىندا جەلدىڭ 15-20 م/س دەيىن كۇشەيۋى ىقتيمال، كۇندىز جەل ەكپىنى 25 م/س دەيىن جەتەدى.
"ادىرنا" ۇلتتىق پورتالى.
