Aýa raıy boljamy: qar jaýyp, kóktaıǵaq bolady

2297
Adyrna.kz Telegram

Cınoptıkter erteń, 15 qarasha kúngi elimizdegi aýa raıyna qatysty boljam jarııalady, dep habarlaıdy "Adyrna" ulttyq portaly "Qazgıdrometke" silteme jasap.

"Qazaqstan aýmaǵy arqyly ótetin soltústik-batys ıklon yqpalymen soltústik aımaqta qar túsip, ońtústikte jańbyr jaýady. Elimizdiń kóptegen bóliginde jel kúsheıip, soltústikte – jaıaý burqasyn, kóktaıǵaq, tuman kútilip otyr, - delingen sınoptıkter habarlamasynda.

Aımaqtarǵa toqtalsaq, erteń Aqmola oblysynyń ońtústik-shyǵysynda kóktaıǵaq, jaıaý burqasyn, jeldiń sekýndyna 15-20 metr jyldamdyqpen soǵýy kútilýde. Qostanaı oblysynyń soltústiginde jaıaý burqasyn bolyp, jel 15 m/s deıin kúsheıedi. Aqtóbe oblysynyń batysy men soltústiginde jaıaý burqasyn, kóktaıǵaq bolýy yqtımal. Al Túrkistan oblysynyń soltústiginde, batysynda taýly aımaqtarda jel 15-20 m/s deıin kúsheıip, túnde jel ekpini 23 m/s deıin jetedi, oblystyń ońtústigi men taýly aýdandarynda tuman túsedi.

-Shyǵys Qazaqstan oblysynyń soltústiginde tuman túsedi, kóktaıǵaq, jaıaý burqasyn, al batysynda – jel 15-20 m/s deıin kúsheıedi. Qaraǵandy oblysynyń soltústigi, shyǵysy jáne ortalyǵynda kóktaıǵaq bolyp, jaıaý burqasyn kútilýde. Jel ekpini sekýndyna 15-20 m/s deıin jetedi. Jambyl oblysynyń ońtústik-batys, soltústik-shyǵys jáne taýly aıdandarynda jel 15-20 m/s deıin artady, túnde ekpini 23-28, keı kezde 30 m/s jáne odan da joǵary bolady. Túnde jáne tańerteń ońtústik-batys, soltústik-shyǵys jáne taýly aýdandarda tuman túsip, kóktaıǵaq, burqasyn bolady, — delingen habarlamada.

Sondaı-aq Qyzylorda oblysynyń soltústiginde tańerteń jáne kúndiz kóktaıǵaq bolýy yqtımal. Soltústik Qazaqstan oblysynyń ońtústik-batysynda, Mańǵystaý oblysynyń batys, soltústik-shyǵysynda, Atyraý oblysynyń batysynda túnde jáne tańerteń tuman túsedi. Batys Qazaqstan oblysynyń soltústiginde tuman túsip, kóktaıǵaq kútiledi.

Al Almaty oblysynyń ońtústigi men shyǵysynda tuman túsip, kóktaıǵaq bolady, al soltústik, ońtústik jáne shyǵysynda jeldiń 15-20 m/s deıin kúsheıýi yqtımal, kúndiz jel ekpini 25 m/s deıin jetedi.

 

"Adyrna" ulttyq portaly.

Pikirler