سااكاشۆيليدىڭ جاعدايى اۋىر

3577
Adyrna.kz Telegram

جاعدايىنىڭ ناشارلاۋىنا بايلانىستى گرۋزيانىڭ ەكس-پرەزيدەنتى ميحايل سااكاشۆيلي جاتقان تۇرمە اۋرۋحاناسىنا رەانيماتسيالىق كولىك كەلگەن. بۇل تۋرالى گرۋزيانىڭ بۇرىنعى باسشىسىنىڭ سۇيىكتىسى، ۋكراينانىڭ جوعارعى راداسىنىڭ دەپۋتاتى ەليزاۆەتا ياسكو حابارلادى.

ء"دال قازىر ميحايل سااكاشۆيليدىڭ جاعدايى كۇرت ناشارلاپ كەتتى. توسەكتەن تۇرا المايدى. ەندى ونى جانساقتاۋ بولىمىنە ەۆاكۋاتسيالاۋ كەرەك", - دەپ جازدى ياسكو Facebook پاراقشاسىندا.

ونىڭ ايتۋىنشا، سااكاشۆيليدىڭ دارىگەرى قازىر تۇرمە اۋرۋحاناسىندا، ول ەكس-پرەزيدەنتتىڭ جاعدايى تۋرالى تۇسىنىكتەمە بەردى.

"ۋاقىت زىمىراپ ءوتىپ جاتىر، دوستار. عاجايىپ دۇنيە جوق. پرەزيدەنتىمىز كۇننەن-كۇنگە ناشارلاپ بارادى. بۇل جەردە تەك شەشىم ونىڭ ءولىمى بولادى، مەديتسينادا دارمەن جوق", - دەپ دارىگەردىڭ ءسوزىن جەتكىزدى دەپۋتات.

سااكاشۆيليدىڭ سۇيىكتىسى ونى قايدا اپارۋ كەرەكتىگىن بىلمەيتىنىن اتاپ ءوتتى.

ايتا كەتۋ كەرەك، كەشە، 13 قاراشادا گرۋزيانىڭ ەكس-پرەزيدەنتىنىڭ جانە وپپوزيتسيالىق "بىرىڭعاي ۇلتتىق قوزعالىس" پارتياسىنىڭ جاقتاستارى ساياسي شەرۋ وتكىزۋ ءۇشىن تبيليسيدە ەل پارلامەنتى الدىنا جينالدى. جينالعاندار تالاپتارىن، ياعني، سااكاشۆيليدى تۇرمەدەن جاي اۋرۋحاناعا اۋىستىرۋ جانە ونى بوساتۋ كەرەك ەكەنىن جەتكىزدى.

 

"ادىرنا" ۇلتتىق پورتالى.

پىكىرلەر