قازاقستان قۇراماسى 2022 جىلعى الەم چەمپيوناتىنا ىرىكتەۋ كەزىندە وتكەن فينالدىق كەزدەسۋدە فرانتسيادان 0:8 ەسەبىمەن ۇتىلدى، دەپ حابارلايدى "ادىرنا" ۇلتتىق پورتالى "Zakon.kz-"كە سىلتەمە جاساپ.
فرانتسيا قۇراماسىنىڭ شابۋىلشىسى كيليان مباپپە ويىننان كەيىن پىكىر ءبىلدىردى.
ء"بىز ءۇشىن ەڭ ماڭىزدىسى 2022 جىلعى الەم چەمپيوناتىنا ىرىكتەۋ بولدى. ءبىز ءوز اتاعىمىزدى قورعاۋعا مۇمكىندىك الدىق. الەم چەمپيوناتىندا ويناۋ — ءبىزدىڭ ماقساتىمىز. قارسىلاسىمىزدى قۇرمەتتەدىك، سوندىقتان كوپ گول سوعىلدى. ەندى ءبىز الەم چەمپيوناتىنا جەڭىس ءۇشىن بارامىز", - دەدى مباپپە ماتچتان كەيىن.
كيليان مباپپە قازاقستانمەن بولعان كەزدەسۋدە پوكەردە جەڭىسكە جەتتى: ول 6, 12, 32 جانە 87-مينۋتتاردا گول سوقتى. بۇل جەڭىس فرانتسياعا توپتا ءبىرىنشى ورىن الىپ، 2022 جىلى كاتاردا وتەتىن الەم چەمپيوناتىنىڭ فينالىنا مەرزىمىنەن بۇرىن قاتىسۋعا مۇمكىندىك بەردى.
فرانتسيا قۇراماسىنىڭ باس باپكەرى ديدە دەشام دا قازاقستان قۇراماسىن جەڭگەنىنە قاتىستى پىكىر ءبىلدىردى.
"بۇل تاماشا كەش بولعان سياقتى. ءبىزدىڭ ماقساتىمىز الەم چەمپيوناتىنا جولداما الۋ ەدى، ءبىر جاعىنان ءوز ويىن مانەرىمىز دە بولدى. ويىندا ءبىزدىڭ فۋتبولشىلار ءوزارا تورتتىڭ ءار بولىگىنە يە بولعانداي بولدى. ۇزىلىستە بوساڭسۋعا تاۋەكەل ەتكەنىمىزبەن، دۇرىس قارقىنمەن وينادىق. بىراق ءبىز جالعاستىردىق، قارسىلاستى قۇرمەتتەدىك. بۇل وتە ادەمى فۋتبول كەشى بولدى", - دەدى دەشام ماتچتان كەيىن.
"ادىرنا" ۇلتتىق پورتالى.
