ستەپنوگورسكتە سپورت سالاسىنداعى دارىندى بالالارعا ارنالعان وبلىستىق مەكتەپ-ينتەرناتىنىڭ وقۋشىلارى باستاۋىش سىنىپ وقۋشىلارىنا الىمجەتتىك جاساعان. پوليتسيا بۇل ءىستى قولعا الدى، دەپ حابارلايدى «ادىرنا» ءتىلشىسى Liter.kz-كە سىلتەمە جاساپ.
الەۋمەتتىك جەلىدە تارالعان ۆيدەودا جوعارى سىنىپ وقۋشىلارىنىڭ ءبىرى ەكى بالانى ۇرىپ-سوعىپ، تەپكىلەپ جاتىر.
ستەپنوگورسك اكىمدىگىندە وسى وقيعا بويىنشا شۇعىل كەڭەس وتكىزىلدى.
«ءبىز وبلىستىق كامەلەتكە تولماعانداردىڭ قۇقىقتارىن قورعاۋ جونىندەگى كوميسسياعا جانە اقمولا وبلىسىنىڭ سپورت باسقارماسىنا وسى جاعدايعا جول بەرگەن وبلىستىق مەكتەپ-ينتەرنات اكىمشىلىگىنە قاتىستى شارالار قابىلداۋ تۋرالى حات جولدايمىز. قازىرگى تاڭدا كامەلەتكە تولماعاندار مەن مەكتەپ اكىمشىلىگىنە قاتىستى قىلمىستىق ءىس قوزعالدى", - دەدى ستەپنوگورسك قالاسى اكىمىنىڭ ورىنباسارى گۇلناز ءابىلوۆا.
ول 14 جاسقا تولماعان بالالاردىڭ قىلمىستىق قۋدالاۋدان قۇتىلاتىنىن ءتۇسىندىردى. دەگەنمەن، جاسوسپىرىمدەردىڭ بارلىعى ينتەرناتتان شىعارىلىپ، قالالىق يۋۆەنالدى پوليتسيانىڭ ەسەبىنە الىنادى جانە باسقا دا شارالار قابىلدانادى.
ەسكەرتۋ! ۆيدەودا بەيادەپ سوزدەر قولدانىلۋىنا بايلانىستى 18 جاسقا تولماعاندارعا كورۋگە تىيىم سالىنادى.
«ادىرنا» ۇلتتىق پورتالى
