بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ۇيقاماق مەرزىمى تاعى 2 ايعا سوزىلدى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
بۇگىن سوت كۇدىكتىنىڭ ءوتىنىشىن ەلەمەي، وسىنداي شەشىم قابىلدادى. ءبىرتانوۆ بولسا، ءوزىنىڭ كىنالى ەمەس ەكەنىن، كىناسىن دالەلدەيتىن دەرەكتەردىڭ جوق ەكەندىگىن العا تارتتى. سونداي-اق ەكس-مينيستر ەلدەن قاشپايتىنىن جانە ءوزىنىڭ ەش كىناسى جوقتىعىن دا دالەلدەيتىنىن جەتكىزدى. ونىمەن قوسا جاۋاپتى ورگاندار بۇل ىستە قاراستىرىلىپ جاتقان ماتەريالداردى قورعاۋشىلارعا بەرمەي جاتقانىن مالىمدەدى.
سونىڭ سالدارىنان جاۋاپ بەرۋشى تاراپ تاعىلىپ جاتقان ايىپتىڭ ءمان-جايىن زەرتتەي الماي جاتقانىن ايتتى.
«بۇل ءىستىڭ قىلمىستىق قۇرامى جوق. مەنىڭ قىزمەتىمدى اسىرا پايدالانۋىمدى دالەلدەيتىن دەرەكتەر دە جوق. مەن مەملەكەتكە ەشقانداي زالال كەلتىرگەن جوقپىن. اقپاراتتىق پلاتوفورما كەلىسىمگە سايكەس قولدانىسقا الىندى. ول جۇمىس ىستەيدى. وسى ورايدا مەنى ۇيدە قاماۋ تۋرالى شەشىمدى جويۋدى تالاپ ەتەمىن. سونداي-اق بۇل ىسكە قاتىستى بارلىق ماتەريالدى بىزگە بەرۋدى سۇرايمىز. ءبىز دە ولاردى زەرتتەگىمىز كەلەدى»،– دەدى ءبىرتانوۆ.
«ادىرنا» ۇلتتىق پورتالى
