وسكەمەندە پوليتسيا كولىگى قارسى بەتكە شىعىپ، اۆتوبۋسقا سوعىلدى. اپاتتىڭ سالدارىنان 5 ادام ءتۇرلى جاراقات الدى، دەپ حابارلايدى «ادىرنا» ءتىلشىسى inbusiness.kz-كە سىلتەمە جاساپ.
الەۋمەتتىك جەلىلەردە كۋاگەرلەر قۇقىق قورعاۋ ورگاندارى قىزمەتكەرىنىڭ ماس كۇيدە كولىك جۇرگىزگەنىن مالىمدەگەن ەدى. الايدا مەديتسينالىق ساراپتاما بۇل اقپاراتتى جوققا شىعاردى.
"لەكسۋس" ماركالى اۆتوكولىگىنىڭ 33 جاستاعى جۇرگىزۋشىسى ءرولدى باسقارا الماي، قارسى قوزعالىس جولاعىنا شىعىپ، سالونىندا 4 جولاۋشىسى بولعان اۆتوبۋسپەن سوقتىعىسقان. بىرنەشە ادام دەنە جاراقاتتارىن الدى. "لەكسۋس" ماركالى كولىكتىڭ جۇرگىزۋشىسى كەزەكشىلىكتەن كەيىن دەمالىستا جۇرگەن پوليتسيا قىزمەتكەرى ەكەنى انىقتالدى»،– دەپ جازدى شقو پد ءباسپاسوز قىزمەتى.
قازىرگى تاڭدا اتالعان فاكتى تىركەلىپ، تەرگەۋ امالدارى جۇرگىزىلىپ جاتىر.
«ادىرنا» ۇلتتىق پورتالى
