1913-1918 جىلدار ارالىعىندا احمەت بايتۇرسىنۇلى مەن مىرجاقىپ دۋلاتۇلى باس بولىپ ورىنبوردا شىعىپ تۇرعان “قازاق” گازەتىندە مىقتى ماركەتينگ بولعان. ياعني، گازەت باسىندا دەمەۋشىلەردىڭ قارجىسىنا شىققانمەن، كەيىن ءوزىن-ءوزىن اسىراعان.
قالاي دەيمىسىز؟ جازىلۋدان، ساۋدادان تۇسەتىن قارجىدان بولەك، “ازامات” اتتى سەرىكتىك قۇرىپ، كىتاپ باسپاسىمەن اينالىسىپ، ونى ساتىپ قارجى تاۋىپ وتىرعان. سول تۇستاعى “يعلاندارعا” (جارنامالارعا) كوز سالساق، پالەن كىتاپتى بىردەن الساڭ، پالەن جەڭىلدىكپەن بەرىلەدى دەگەن مازمۇنداعى بيزنەس ۇسىنىستاردى كورەسىز.
ول از دەسەڭىز، گازەتتە ءتۇرلى قۇرالداردىڭ، ماشنالاردىڭ ء(سۇت تارتاتىن، ءشوپ تۋرايتىن), ءدارى-دارمەكتىڭ جارناماسى باسىلعان. سۋرەتىمەن بىرگە.
ونى دا از دەسەڭىز، “ەگەر ماشينانى ساتىپ الساڭىز، قالاي قولدانۋ تۋرالى قازاقشا كىتابىن تەگىن جىبەرەمىز” دەگەن بونۋستار قوسقان. ءبىز ەندى ۇيرەنىپ جاتقان “سەمينارىمدى ساتىپ الساڭ، پالەن كىتابىمنىڭ pdf نۇسقاسىن تەگىن جۇكتەي الاسىڭ” دەگەن ماركەتينگ تاسىلدەرى احاڭدار ءبىر عاسىر بۇرىن جاساپ تاستاعان، قىسقاسى.
