1913-1918 jyldar aralyǵynda Ahmet Baıtursynuly men Mirjaqyp Dýlatuly bas bolyp Orynborda shyǵyp turǵan “Qazaq” gazetinde myqty marketıng bolǵan. Iaǵnı, gazet basynda demeýshilerdiń qarjysyna shyqqanmen, keıin ózin-ózin asyraǵan.
Qalaı deımisiz? Jazylýdan, saýdadan túsetin qarjydan bólek, “Azamat” atty seriktik quryp, kitap baspasymen aınalysyp, ony satyp qarjy taýyp otyrǵan. Sol tustaǵy “ıǵlandarǵa” (jarnamalarǵa) kóz salsaq, pálen kitapty birden alsań, pálen jeńildikpen beriledi degen mazmundaǵy bıznes usynystardy kóresiz.
Ol az deseńiz, gazette túrli quraldardyń, mashnalardyń (sút tartatyn, shóp týraıtyn), dári-dármektiń jarnamasy basylǵan. Sýretimen birge.
Ony da az deseńiz, “eger mashınany satyp alsańyz, qalaı qoldaný týraly qazaqsha kitabyn tegin jiberemiz” degen bonýstar qosqan. Biz endi úırenip jatqan “semınarymdy satyp alsań, pálen kitabymnyń pdf nusqasyn tegin júkteı alasyń” degen marketıng tásilderi Ahańdar bir ǵasyr buryn jasap tastaǵan, qysqasy.
