«Aǧaiyndy törteu» ūiymdasqan qylmystyq tobynyŋ liderı Erkın Izbasar densaulyǧyna bailanysty jazasyn öteuden bosatyldy. Būl turaly tılşıge IIM Qylmystyq-atqaru jüiesı komitetı mälımdedı, — dep habarlaidy “Adyrna” ūlttyq portaly Tengrinews.kz saityna sılteme jasap.
Baspasöz qyzmetınıŋ habarlauynşa, bırınşı toptaǧy mügedek Izbasardyŋ densaulyǧy qamauda jatuǧa jaramaidy.
«Tekseru nätijesı men Erkın Izbasardan anyqtalǧan aurular boiynşa medisinalyq komissiianyŋ otyrysy öttı. Komissiia ışkı ıster ministrınıŋ 2014 jylǧy 19 tamyzdaǧy № 530 būiryǧyna säikes sottaluşynyŋ jazany öteuden bosatuǧa negız bolatyn aurularynyŋ bar-joǧyn anyqtady», — dep habarlady IIM QAJK.Keiın koloniia qyzmetkerlerı būl qorytyndy materialdarmen bırge ıs jürgızu şeşımın qabyldau üşın sotqa jıberılgenın tüsındırdı. 2021 jylǧy 21 qazanda Öskemen qalasynyŋ № 2 soty Izbasar jazasynyŋ ötelmegen bölıgın sauyqqanǧa deiın 11 jyl merzımge bas bostandyǧyn şekteuge auystyru turaly şeşım qabyldady. Eske salaiyq, ŪQT liderı Erkın Izbasar 12 jylǧa bas bostandyǧynan aiyru jazasyna kesılgen ärı jazasyn qauıpsızdıgı barynşa joǧary koloniiada ötegen. Izbasarǧa on bap boiynşa, onyŋ ışınde qylmystyq top ūiymdastyrǧany jäne 39 million teŋge somasynda mūnai ūrlaǧany üşın aiyp taǧyldy. Onymen bırge sottaluşylar oryndyǧynda 26 adam boldy, onyŋ ışınde Aqtöbe polisiia departamentı bastyǧynyŋ eks-orynbasary Rahat Ahanov ta boldy. Olardyŋ 24-ı bas bostandyǧynan şekteu türındegı jaza aldy.
“Adyrna” ūlttyq portaly
Ūqsas jaŋalyqtar
