قازاقستاندا جاستارمەن جۇمىس جونىندەگى ماماننىڭ قۇزىرەتتىلىك مودەلى ازىرلەندى

3028
Adyrna.kz Telegram

جوبانىڭ ماقساتى – جاستار رەسۋرستىق ورتالىقتارى ارقىلى جاستاردىڭ ءوزىن-ءوزى تانۋ جانە قابىلەتتەرىن دامىتۋ، ءوز يدەيالارىن تۋعان وڭىرىندە جۇزەگە اسىرۋعا مۇمكىندىكتەر جاساۋ.

جوبانىڭ نەگىزگى مىندەتتەرىنىڭ ءبىرىن ىسكە اسىرۋ اياسىندا ەل جاستارىمەن جۇمىس جونىندەگى ماماننىڭ قۇزىرەتتىلىك مودەلى جانە جاستار رەسۋرستىق ورتالىقتارى قىزمەتكەرلەرىنە قويىلاتىن بىلىكتىلىك تالاپتارىن ايقىندايتىن نورماتيۆتىك قۇقىقتىق اكتىنىڭ جوباسى ازىرلەندى.

بۇگىندە ەلىمىزدە 209 جاستار رەسۋرستىق ورتالىعى بار، ولاردا 2702 ادام جۇمىس ىستەيدى. ونىڭ ىشىندە 1790 ادام (75 پايىزى) تىكەلەي جاستارمەن جۇمىس جۇرگىزەدى.

جوبانى ازىرلەۋ جاستارمەن جۇمىس جاساۋداعى وزەكتى ماسەلەلەردى شەشۋگە، سونداي-اق جاستار جۇمىسىن كاسىبيلەندىرۋگە نەگىزدەلگەن. جاڭا جوبا — حالىقارالىق جانە وتاندىق جۇمىس تاجىريبەسىن تالداۋ ناتيجەسىنىڭ جەمىسى.

وسى قۇزىرەتتىلىك مودەلى نەگىزىندە جاستارمەن جۇمىس جاسايتىن ماماندارعا ارنالعان ارنايى ءبىلىم بەرۋ باعدارلاماسى ازىرلەنگەن.

بيىلعى جىلدىڭ شىلدە ايىنان باستاپ «جاستار جۇمىسشىلارى قوعامداستىعى» قوعامدىق بىرلەستىگى «ازاماتتىق باستامالاردى قولداۋ ورتالىعى» كەاق مەن قر ءبىلىم جانە عىلىم مينيسترلىگىنىڭ جاستار جانە وتباسى ىستەرى جونىندەگى كوميتەتتىڭ قولداۋىمەن «جاستار رەسۋرستىق ورتالىقتارىنىڭ قىزمەتىن جەتىلدىرۋ بويىنشا شارالار كەشەنىن قابىلداۋ» جوباسىن جۇزەگە اسىرۋدا.

 

«ادىرنا» ۇلتتىق پورتالى.

پىكىرلەر