9 qaraşa künı äleumettık jelılerde Şamalǧan stansiiasynda kömır tapşylyǧy oryn alyp jatyr degen aqparat taraǧan bolatyn. Alaida Almaty oblysy Qarasai audanynyŋ äkımşılıgı būl aqparatty joqqa şyǧardy, dep habarlaidy “Adyrna” ūlttyq portaly Orda.kz saityna sılteme jasap.
Şamalǧan stansiiasyna künıne kemınde 15 vagon kömır keledı. Bügın 27 vagon keldı, dep habarlady Orda.kz tılşısıne Qarasai audandyq tūrǧyn üi-kommunaldyq şaruaşylyq jäne tūrǧyn üi inspeksiiasy bölımınıŋ basşysy Eskendır Egeubek.
“Şamalǧan atty temır jol vokzaly bar. Bızde 10 şaqty temır jol tūiyǧy bar, olar Şūbarqūl men Qarajyrar kömırın äkelıp jatyr. Ony jeke käsıpkerler men jauapkerşılıgı şekteulı serıktestıkter satady. Künıne kem degende 15 vagon keledı. 9 qaraşa künı saǧat 11:00-de 27 vagon keldı. Olardy tūiyq jolǧa süirep aparyp, keiın tüsırıledı. Qazırgı uaqytta qauıpsızdık maqsatynda jürgızuşıler tūiyq aumaqtyŋ syrtynda kütıp tūr. Sodan keiın barlyq kölıkter kezekpen mejege köterıledı, keiın ölşep, kömırdı özderıne tieidı”,- dep tüsındırdı Eskendır Egeubek.
Tūrǧyn üi-kommunaldyq şaruaşylyǧynyŋ basşysy videony tüsırgen adam kezekte tūryp qalǧanyn, kütıp qalǧanyn mümkın erterek kelıp alǧannan kömır jetıspeuşılıgı bar dep oilaǧan.
Egeubek ekı-üş kün kömır bolmaǧan jaǧdaidyŋ özınde de mūndai qarbalas bolmaitynyn aitty. Jylytu mausymy bastalǧanda QTJ kömır tielgen vagondardyŋ sanyn köbeitedı. 15 emes, endı 18 vagon keledı.
Qarasai audany boiynşa jylu beru mausymyndaǧy qajettılık 27 828 tonnany qūraidy. Bıraq, spikerdıŋ aituynşa, audandaǧy eldı mekenderdıŋ köpşılıgınde gazben jylytu bar, sondyqtan Qarasai audanynda kömır az tūtynylady. Bıraq Şamalǧan stansiiasy yŋǧaily jerde ornalasqandyqtan, kömır sol jerden basqa aimaqtarǧa tasymaldanady.
https://youtu.be/CAVuH04dEJE“Adyrna” ūlttyq portaly
