داۋرەن بەكمۇحامەدوۆ اۋىر اتلەتيكادان قازاقستان قۇراماسىنىڭ باس جاتتىقتىرۋشىسى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
مادەنيەت جانە سپورت مينيسترلىگىنىڭ ءباسپاسوز قىزمەتىندە حابارلاعانداي، ول جاڭا ترەنەرلەر شتابىن قايتا جاساقتايدى.
قازىرگى جاعدايعا البەرت ليندەردىڭ ءولىمى جانە ودان كەيىن ورىن العان بىرنەشە وقيعا سەبەپشى بولدى. سپورتشىلار مەن جاتتىقتىرۋشىلاردىڭ، البەرت ليندەردىڭ تۋىستارىنىڭ مالىمدەمەسى شەشۋشى ءرول اتقاردى.
- ءمينيستردىڭ ارالاسۋىنان كەيىن جاتتىقتىرۋشىلار شتابى تاراپىنان ورەسكەل زاڭ بۇزۋشىلىقتاردىڭ بولعانى انىقتالدى. وسىدان كەيىن قۇرامانىڭ باس جاتتىقتىرۋشىسى باقىت احمەتوۆ پەن اعا جاتتىقتىرۋشى سەرگەي سەدوۆ قىزمەتىنەن بوساتىلدى، - دەلىنگەن مينيسترلىك حابارلاماسىندا.
"ادىرنا" ۇلتتىق پورتالى
