ساۋد ارابياسى قىتاي-وزبەكستاننىڭ كوروناۆيرۋسقا قارسى ۆاكتسيناسىمەن ەگىلگەن وزبەكستان ازاماتتارىنا رۇقسات بەرمەيدى، دەپ حابارلايدى "ادىرنا" ۇلتتىق پورتالى "ازاتتىق" راديوسىنا سىلتەمە جاساپ.
"ZF-UZ-VAC2001" ۆاكتسيناسى وزبەكستاندا شىعارىلادى. ساۋد ارابياسى ونى مويىندامادى، سەبەبى ول دۇنيەجۇزىلىك دەنساۋلىق ساقتاۋ ۇيىمىندا تىركەلمەگەن. وزبەكستاننىڭ يننوۆاتسيالىق دامۋ مينيسترلىگى تەستىلەۋدىڭ ءۇش كەزەڭى وتكەنىن حابارلادى. زەرتتەۋدىڭ ءۇشىنشى كەزەڭى وسىندا جۇرگىزىلگەندىكتەن، ۆاكتسينانى قىتاي، وزبەكستان جانە يندونەزيادا قولدانۋعا رۇقسات ەتىلگەن. اگەنتتىك ۆاكتسينانىڭ كوروناۆيرۋس ۆيرۋسىنا قارسى جالپى تيىمدىلىگى 92,92% دەپ مالىمدەدى.
"Podrobno.uz" باسىلىمى وزبەكستان بيلىگى قىتاي-وزبەكستان ۆاكتسيناسىنىڭ سەرتيفيكاتتارىن مويىنداۋ تۋرالى ساۋد ارابياسىمەن كەلىسسوزدەر جۇرگىزىپ جاتقانىن جانە ونى تىركەۋ ءۇشىن قۇجاتتار ددۇ-عا تاپسىرىلعانىن جازادى.
سانيتارلىق-ەپيدەميولوگيالىق سالاۋاتتىلىق جانە قوعامدىق دەنساۋلىق ساقتاۋ قىزمەتى باسشىسىنىڭ ورىنباسارى نۇرمات اتابەكوۆ ساۋد ارابياسى قىتاي-وزبەكستان ۆاكتسيناسىن مويىندامايتىن بولسا، ددۇ مويىنداعان كەز كەلگەن ۆاكتسينانىڭ ءبىر دوزاسىن الۋعا بولاتىنىن اتاپ ءوتتى. بۇل تۋرالى وزبەكستان بيلىگى قاجىلارعا كەيىنىرەك حابارلاۋدى جوسپارلاپ وتىر.
"ادىرنا" ۇلتتىق پورتالى.
