دونباسستى رەسەيگە قوسۋ ءۇشىن 1922 جىلعى حالىق كوميسسارلار كەڭەسىنىڭ اكتىسىن زاڭسىز دەپ تانۋ تۋرالى تالاپ ارىزداردى قۇراستىرۋ قاجەت. بۇل اۋماقتى اننەكسيالاۋ ءادىسىن مەملەكەتتىك دۋمانىڭ تمد ىستەرى، ەۋرازيالىق ينتەگراتسيا جانە وتانداستارمەن بايلانىس جونىندەگى كوميتەتى توراعاسىنىڭ ءبىرىنشى ورىنباسارى ۆيكتور ۆودولاتسكي اتادى.
«وسىدان كەيىن 1922 جىلعى اكت زاڭسىز دەپ جاريالانسا، دونباسسقا قاتىستى بارلىق سۇراقتار اۆتوماتتى تۇردە، بىردەن جوعالادى»، - دەدى دەپۋتات.
ول حالىقارالىق قۇقىقتىڭ زاڭگەرلەرى مۇنىمەن جۇمىس ىستەۋى كەرەك ەكەنىن ايتتى. ولار ءارتۇرلى حالىقارالىق ينستيتۋتتارعا شاعىم ءتۇسىرۋى كەرەك. ۆودولاتسكيدىڭ ايتۋىنشا، حالىق كوميسسارلار كەڭەسىنىڭ قۇجاتى كوپتەگەن ادامدار ءۇشىن قولايسىز بولدى. دەپۋتات لەنين قول قويعان اكت بويىنشا دونباسستىڭ اۋماعى ۋكراينا كسر-ىنە ءوتىپ كەتكەنىن ايتتى.
بۇعان دەيىن ۋكراينادا رەسەي دونباسستى اننەكسيالاۋعا تىرىستى دەپ ايىپتاعان بولاتىن. ءبىرىنشى پرەزيدەنت لەونيد كراۆچۋكتىڭ ايتۋىنشا، ماسكەۋ ايماقتا ورىس ۇلتتىق مەملەكەتتىك قۇرىلىمدارىن قۇرۋدى جوسپارلاپ وتىر.
"ادىرنا" ۇلتتىق پورتالى
