بيىل اقتوبە وبلىسىندا 348 اۆتوكولىك جولى جوندەلدى

1853
Adyrna.kz Telegram

بيىل جىل باسىنان بەرى اقتوبە وبلىسىندا 348 اۆتوكولىك جولى جوندەلدى دەپ حابارلايدى "ادىرنا" ۇلتتىق پورتالىنىڭ ءتىلشىسى.

بۇل تۋرالى اقتوبە وبلىسىنىڭ اكىمى وڭداسىن ورازالين ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا مالىمدەدى.

"اقتوبە وبلىسى ءوزىنىڭ گەوگرافيالىق ورنالاسۋىنا بايلانىستى ايتارلىقتاي كولىك الەۋەتىنە يە. بۇل رەتتە، بۇگىندە وڭىردەگى اۆتوجولداردىڭ ساپاسىن جاقسارتۋ ماسەلەسى وزەكتى بولىپ قالۋدا. وسىدان ون جىل بۇرىنعى   مالىمەتتەرگە سۇيەنسەك، ول كەزدە جاقسى جانە قاناعاتتانارلىق جاعدايداعى جولداردىڭ ۇلەسى نەبارى 42% بولعان ەكەن، ال 2019 جىلى 56.5% قۇراعان. بۇگىنگى كۇنى  وبلىستا جاقسى جانە قاناعاتتانارلىق جاعدايداعى جولداردىڭ ۇلەسى 61% قۇرايدى. وسى باعىتتا ءالى دە كوپتەگەن جۇمىستار جۇرگىزىلۋدە",- دەدى وڭداسىن ورازالين.

اعىمداعى جىلى 14,3 ملرد. تەڭگەگە 348 كم جول جوندەلدى. جالپى، جىل قورىتىندىسى بويىنشا 450 كم استام جولدى جوندەۋدى جوسپارلاپ وتىرمىز.  سونىڭ ناتيجەسىندە  جالپى العاندا جاقسى جانە قاناعاتتانارلىق جاعدايداعى جولداردىڭ ۇلەسى 66%  جەتۋى ءتيىس.

اتاپ ايتقاندا، "اقتوبە قالاسىنىڭ وڭتۇستىك اينالما جولىن", "اقتوبە-ورسك", "قوبدا-مارتوك" اۆتوموبيل جولدارىن قايتا جاڭارتۋ جانە كۇردەلى جوندەۋ سىندى ءىرى جوبالاردى اياقتاۋ جوسپارلانىپ وتىر.

 

 

"ادىرنا" ۇلتتىق پورتالى.

پىكىرلەر