Bıyl jyl basynan beri Aqtóbe oblysynda 348 avtokólik joly jóndeldi dep habarlaıdy "Adyrna" ulttyq portalynyń tilshisi.
Bul týraly Aqtóbe oblysynyń ákimi Ońdasyn Orazalın Ortalyq kommýnıkaııalar qyzmetinde ótken baspasóz máslıhatynda málimdedi.
"Aqtóbe oblysy óziniń geografııalyq ornalasýyna baılanysty aıtarlyqtaı kólik áleýetine ıe. Bul rette, búginde óńirdegi avtojoldardyń sapasyn jaqsartý máselesi ózekti bolyp qalýda. Osydan on jyl burynǵy málimetterge súıensek, ol kezde jaqsy jáne qanaǵattanarlyq jaǵdaıdaǵy joldardyń úlesi nebary 42% bolǵan eken, al 2019 jyly 56.5% quraǵan. Búgingi kúni oblysta jaqsy jáne qanaǵattanarlyq jaǵdaıdaǵy joldardyń úlesi 61% quraıdy. Osy baǵytta áli de kóptegen jumystar júrgizilýde",- dedi Ońdasyn Orazalın.
Aǵymdaǵy jyly 14,3 mlrd. teńgege 348 km jol jóndeldi. Jalpy, jyl qorytyndysy boıynsha 450 km astam joldy jóndeýdi josparlap otyrmyz. Sonyń nátıjesinde jalpy alǵanda jaqsy jáne qanaǵattanarlyq jaǵdaıdaǵy joldardyń úlesi 66% jetýi tıis.
Atap aıtqanda, "Aqtóbe qalasynyń ońtústik aınalma jolyn", "Aqtóbe-Orsk", "Qobda-Mártók" avtomobıl joldaryn qaıta jańartý jáne kúrdeli jóndeý syndy iri jobalardy aıaqtaý josparlanyp otyr.
"Adyrna" ulttyq portaly.
