نۇر-سۇلتان قالاسىنىڭ نازارباەۆ زياتكەرلىك مەكتەبىنىڭ وقۋشىلارى كوز جانارى ناشار كورەتىن جاندارعا ارنالعان "Jazgysh" اتتى وقىتۋدىڭ يننوۆاتسيالىق ءادىسىن ۇسىندى.
كيم ەكاتەرينا مەن رىسماحانوۆ ارمان 12 سىنىپ وقۋشىلارى. جاس جاڭاشىلدار زاعيپ جانداردىڭ جازۋدى ۇيرەنۋ ماسەلەسىنە قىزىعۋشىلىق تانىتقان، سەبەبى بۇل ماسەلە قازىر وزەكتى. الايدا، ماسەلەنىڭ وزەكتىلىگىنە قاراماستان، شەشۋ جولى ءالى كۇنگە دەيىن ءبىر جولعا قويىلماعان سانالادى.
"مىسالى، زاعيپ اداممەن سويلەسكەندە، ءبىز برايل ءادىسىن قولدانۋ ءۇشىن شەشىمدەر بار ەكەنىن بىلدىك، ال قولمەن جازۋدى ۇيرەتۋ كوپ جاعدايدا ەلەنبەيدى".
برايل ءتىلى ءسىزدىڭ اتىڭىزدى، تەگىڭىزدى جازىپ، ءتىپتى قول قويۋ قاجەت بولعان جاعداي دا ادەتتەگى جازۋدى الماستىرا المايدى. وسى ماسەلەنى نازارعا الا وتىرىپ، Jazgysh قۇرىلعىسىن وقۋشىلار ويلاپ تاپتى.
"Jazgysh قۇرىلعىسى ەكى كەزەڭنەن تۇرادى: قۇرىلعى ارقىلى جازۋعا قالىپتاسۋ جانە ءموبيلدى ۆەب - قوسىمشانىڭ كومەگىمەن داعدىلاردى بەكىتۋ" - دەيدى وقۋشىلار.
Jazgysh جۇمىسىنىڭ ءپرينتسيپى:
بىرىنشىدەن، پايدالانۋشى قۇرىلعىنى جىلجىتۋشى جانە ارىپتەردىڭ دۇرىس جازىلۋىن قاداعالايتىن قالامدى ۇستايدى. سودان كەيىن پايدالانۋشى ۇيرەنگەن ءسوزدى تەلەفونعا قالاممەن جازۋى كەرەك، ال باعدارلاما ءسوزدىڭ دۇرىس جازىلعانىن تەكسەرەدى.
جوبا جەتەكشىسى ينفورماتيكا ءپانى مۇعالىمى قىمبات جاسۇلانقىزىنىڭ ايتۋىنشا، بالالار جوبا تاقىرىبىن وزدەرى تاڭداعان. مۇمكىندىگى شەكتەۋلى جانداردىڭ وسىنداي پروبلەماسى بالالاردىڭ اتالمىش قۇرىلعىنى جوبالاۋىنا اسەر ەتكەن. كەيىننەن قولدا بار اقپاراتقا تالداۋ جاساپ، تولىقتاي ويلارىن باعامدادى.
ايتا كەتۋ كەرەك، بۇل جوبا وزگە انالوگتارعا قاراعاندا الدەقايدا ارزانعا تۇسەدى. جوبا "KazRoboProject-2021" روبوتوتەحنيكا كونكۋرسىندا III ورىندى يەمدەندى.
"ادىرنا" ۇلتتىق پورتالى.
