قىزىلوردا وبلىسىنىڭ ارال اۋدانىنىڭ تۇرعىنى اسكەرگە كەتكەن بالاسىنىڭ اقىلىنا الجاسىپ كەلگەنىن ايتىپ جان ۇشىردى، دەپ حبارلايدى “ادىرنا” ۇلتتىق پورتالى Stan.kz سايتىنا سىلتەمە جاساپ.
وتان الدىنداعى بورىشىن وتەۋگە كەتكەن 19 جاستاعى جىگىت قازىر جاقىندارىن مۇلدەم تانىمايدى.
ەسىنەن اداسقان سارباز قويىلعان سۇراقتارعا جاۋاپ بەرە المايتىن حالگە جەتكەن. ءتىپتى، ءوز اكەسىنە دە قول كوتەرىپ ءجۇر. اشىنعان اتا-انا مۇنىڭ بارىنە اسكەري قىزمەتكەرلەر كىنالى، دەيدى.
اسكەردەن ورالعانىنا 3 كۇن بولعان رەنات جەتكەرگەنوۆتىڭ قازىرگى جاعدايى وسى. وتباسىنان تىنىشتىق كەتكەن. كۇندىز-ءتۇنى ايقايلاپ، جاقىندارىنىڭ مازاسىن الادى. ۇيدە تۇرعان زاتتاردى جان-جاققا لاقتىرىپ، قيراتىپ جاتقان كورىنەدى. تىنىشتالدىرۋعا تىرىسقان اكەسى دە بالاسىنان بىرنەشە رەت تاياق جەگەن.
“سەرجانتتارىنىڭ ءبارىن اكەلىپ، مەنىڭ الدىما الىپ كەلىڭىزدەر سىزدەردەن سۇرايتىنىم. ساپ-ساۋ بالانى اۋرۋ قىلىپ، مىناداي قىلىپ اكەپ تاستاعانى ءۇشىن. وفيتسەر مالىكوۆ ءالىمجان، كوپجان دەگەن سەرجانتتاردى مەنىڭ الدىما اكەلۋلەرىڭىزدى سۇرمايمىن”، – دەپ اشىندى ساربازدىڭ اناسى ايعانىم ءىزباساروۆا.اشىنعان اجەسى دە، نەمەرەسىن وسى كۇيگە تۇسىرگەندەر جازاسىن الۋىن سۇرايدى. ساپ-ساۋ كەتكەن بالاسىن ەمدەتىپ بەرۋدى تالاپ ەتىپ وتىر.
“قانداي كۇيىندە الىپ كەتتى، سونداي كۇيىندە اكەلىپ بەرسىن اسكەري ءبولىمى. ول جەردەگىلەر نە ىستەپ وتىر؟ قوي باعىپ وتىر ما؟ ونشاقتى بالاعا يە بولماي؟” - دەيدى جابىرلەنۋشىنىڭ اجەسى ءماريام يگىلىكوۆا.19 جاستاعى سارباز اقتاۋ قالاسىنداعى تەڭىز جاياۋ اسكەرلەرى بولىمىندە بورىشىن وتەگەن. مەرزىمىنىڭ اياقتالۋىنا 8 كۇن قالعاندا، "سال اۋىرىڭقىراپ" قالدى دەگەن سىلتاۋمەن ۇيىنە قايتارىلعان. رەناتتى كۇتىپ العان اتا-اناسى ۇلدارىنىڭ ءتۇرىن كورىپ جاعالارىن ۇستاپتى. ايتۋلارىنشا، ۇستىندەگى كيىمى شۇرىق-تەسىك، اياعىندا جازدىق تاپىشكە بولعان. وتان الدىنداعى بورىشىن وتەپ ەمەس، قۇددى قۇلدىقتا جۇرگەندەي ورالدى، دەيدى اعاسى. كۇدىكتەنگەن تۋىستارى بالانى اۋرۋحاعا بارىپ تەكسەرتكەن.
“باسىنان سوققى العان. قىسىم، داۆلەنيە بار دەيدى. سول جۇرەكتى كوتەرىپ تۇر. سوسىن بالادا باسىندا اۋىتقۋ جاعداي بولىپ تۇر، دەدى. ءارتۇرلى ساندىراقتاپ، بوعاۋىز سوزدەردى ايتىپ، ءبىزدى قۇشاقتاپ ۇرىپ، اكەسىن ۇرىپ، اناسىن مازاق قىلىپ كۇلىپ ءارتۇرى جاعداي بولىپ جاتىر”، – دەيدى ساربازدىڭ اعاسى باحتيار ناعاشىباەۆ.اعاسىنا ۇيگە كەلگەندە اسكەري شەندىلەردىڭ قالاي قورلاعانىن ايتقان. قايتاتىننان 8 كۇن بۇرىن 4 قىزمەتكەر ۇرىپ-سوعىپ، قۇلاعىن تەسىپ ابدەن قيناپتى.
“كوكە مەنى سول ءتورت سەرجانتىم باسقا كازارماعا الىپ كەتىپ سول جەرگە بارىپ ماعان يزدەۆاتەلستۆا جاساپ، قۇلاعىن تەسكەن، قۇلاعىندا جاراقاتى تۇر. قۇلاعىن ينەمەن تەسىپ "مەن سەنى قىز قىلامىن، مەن سەنى ايەلىم قىلامىن" دەپ ءسويتىپ زورلىق-زومبىلىق جاساعان بالاعا”، – دەيدى اعاسى.قورعانىس مينيسترلىگىنىڭ وكىلى مۇنىڭ بارلىعىن جوققا شىعارىپ الەك. ولار رەنات اسكەر قاتارىنا قابىلدانعاندا دەنساۋلىعى جاقسى بولعانىن، اسكەردە دە وعان ەشكىم تيىسپەگەنىن ايتتى.
“تاجىريبەلى كومانديرلەر، تاربيەشىلەر مەن سەرجانتتار ساربازعا اسكەري قىزمەتتى وتكەرۋ ۋاقىتىندا قولداۋ كورسەتكەن. سونىمەن بىرگە، قاتارداعى جاۋىنگەر رەنات جەتكەرگەنوۆ قىزمەت وتكەرگەن كەزىندە دەنساۋلىعىنا جانە باسقا دا شاعىم جاساماعان”، – دەيدى قر قورعانىس مينيسترلىگىنىڭ وفيتسەرى، مايور عاني ءنۇسىپوۆ.اسكەردە بىرگە بولعان جاۋنگەرلىك دوسى اسكەري بولىمدە الىمجەتتىك جوق دەپ وتىر.
“قايتۋىنا 2-3 كۇن ۋاقىت قالعاندا جەتكەندە رەنات ءوزىن جامان جاعىنان كورسەتە باستادى. مىنەز-قۇلقى وزگەردى، ءبىزدى شوشىتتى”، – دەيدى جاۋىنگەر دوسى ءاليحان نۇسىپبەك.كازارمادا نە بولعانى بەلگىسىز. رەناتتىڭ دا جاعدايدى تۇسىندىرۋگە شاماسى جوق. دەسە دە، ساربازدىڭ ەت جاقىندارى ايىپتىلاردى تاۋىپ، ءادىل جازا بەرۋدى تالاپ ەتپەكشى.
“ادىرنا” ۇلتتىق پورتالى
ۇقساس جاڭالىقتار
