Qyzylorda oblysynyŋ Aral audanynyŋ tūrǧyny äskerge ketken balasynyŋ aqylyna aljasyp kelgenın aityp jan ūşyrdy, dep hbarlaidy “Adyrna” ūlttyq portaly Stan.kz saityna sılteme jasap.
Otan aldyndaǧy boryşyn öteuge ketken 19 jastaǧy jıgıt qazır jaqyndaryn müldem tanymaidy.
Esınen adasqan sarbaz qoiylǧan sūraqtarǧa jauap bere almaityn halge jetken. Tıptı, öz äkesıne de qol köterıp jür. Aşynǧan ata-ana mūnyŋ bärıne äskeri qyzmetkerler kınälı, deidı.
Äskerden oralǧanyna 3 kün bolǧan Renat Jetkergenovtıŋ qazırgı jaǧdaiy osy. Otbasynan tynyştyq ketken. Kündız-tünı aiqailap, jaqyndarynyŋ mazasyn alady. Üide tūrǧan zattardy jan-jaqqa laqtyryp, qiratyp jatqan körınedı. Tynyştaldyruǧa tyrysqan äkesı de balasynan bırneşe ret taiaq jegen.
“Serjanttarynyŋ bärın äkelıp, menıŋ aldyma alyp kelıŋızder sızderden sūraitynym. Sap-sau balany auru qylyp, mynadai qylyp äkep tastaǧany üşın. Ofiser Mälıkov Älımjan, Köpjan degen serjanttardy menıŋ aldyma äkelulerıŋızdı sūrmaimyn”, – dep aşyndy sarbazdyŋ anasy Aiǧanym Izbasarova.Aşynǧan äjesı de, nemeresın osy küige tüsırgender jazasyn aluyn sūraidy. Sap-sau ketken balasyn emdetıp berudı talap etıp otyr.
“Qandai küiınde alyp kettı, sondai küiınde äkelıp bersın äskeri bölımı. Ol jerdegıler ne ıstep otyr? Qoi baǧyp otyr ma? Onşaqty balaǧa ie bolmai?” - deidı jäbırlenuşınıŋ äjesı Märiiam İgılıkova.19 jastaǧy sarbaz Aqtau qalasyndaǧy Teŋız jaiau äskerlerı bölımınde boryşyn ötegen. Merzımınıŋ aiaqtaluyna 8 kün qalǧanda, "säl auyryŋqyrap" qaldy degen syltaumen üiıne qaitarylǧan. Renatty kütıp alǧan ata-anasy ūldarynyŋ türın körıp jaǧalaryn ūstapty. Aitularynşa, üstındegı kiımı şūryq-tesık, aiaǧynda jazdyq täpışke bolǧan. Otan aldyndaǧy boryşyn ötep emes, qūddy qūldyqta jürgendei oraldy, deidı aǧasy. Küdıktengen tuystary balany auruhaǧa baryp teksertken.
“Basynan soqqy alǧan. Qysym, davlenie bar deidı. Sol jürektı köterıp tūr. Sosyn balada basynda auytqu jaǧdai bolyp tūr, dedı. Ärtürlı sandyraqtap, boǧauyz sözderdı aityp, bızdı qūşaqtap ūryp, äkesın ūryp, anasyn mazaq qylyp külıp ärtürı jaǧdai bolyp jatyr”, – deidı sarbazdyŋ aǧasy Bahtiiar Naǧaşybaev.Aǧasyna üige kelgende äskeri şendılerdıŋ qalai qorlaǧanyn aitqan. Qaitatynnan 8 kün būryn 4 qyzmetker ūryp-soǧyp, qūlaǧyn tesıp äbden qinapty.
“Köke menı sol tört serjantym basqa kazarmaǧa alyp ketıp sol jerge baryp maǧan izdevatelstva jasap, qūlaǧyn tesken, qūlaǧynda jaraqaty tūr. Qūlaǧyn inemen tesıp "men senı qyz qylamyn, men senı äielım qylamyn" dep söitıp zorlyq-zombylyq jasaǧan balaǧa”, – deidı aǧasy.Qorǧanys ministrlıgınıŋ ökılı mūnyŋ barlyǧyn joqqa şyǧaryp älek. Olar Renat äsker qataryna qabyldanǧanda densaulyǧy jaqsy bolǧanyn, äskerde de oǧan eşkım tiıspegenın aitty.
“Täjıribelı komandirler, tärbieşıler men serjanttar sarbazǧa äskeri qyzmettı ötkeru uaqytynda qoldau körsetken. Sonymen bırge, qatardaǧy jauynger Renat Jetkergenov qyzmet ötkergen kezınde densaulyǧyna jäne basqa da şaǧym jasamaǧan”, – deidı QR qorǧanys ministrlıgınıŋ ofiserı, maior Ǧani Nüsıpov.Äskerde bırge bolǧan jaungerlık dosy äskeri bölımde älımjettık joq dep otyr.
“Qaituyna 2-3 kün uaqyt qalǧanda jetkende Renat özın jaman jaǧynan körsete bastady. Mınez-qūlqy özgerdı, bızdı şoşytty”, – deidı jauynger dosy Älihan Nüsıpbek.Kazarmada ne bolǧany belgısız. Renattyŋ da jaǧdaidy tüsındıruge şamasy joq. Dese de, sarbazdyŋ et jaqyndary aiyptylardy tauyp, ädıl jaza berudı talap etpekşı.
“Adyrna” ūlttyq portaly
Ūqsas jaŋalyqtar
