تەمىرحان دوسمۇحامبەتوۆ قايتىس بولدى

6605
Adyrna.kz Telegram

73 جاسىندا قر تۋريزم جانە سپورت ەكس-ءمينيسترى، استانانىڭ ەكس-اكىمى، قر ۇلتتىق وليمپيادا كوميتەتىنىڭ ەكس-پرەزيدەنتى تەمىرحان مىڭايدارۇلى دوسمۇحامبەتوۆ قايتىس بولدى. قايعىلى حاباردى اككرەديتتەۋ جانە رەيتينگتىڭ تاۋەلسىز اگەنتتىگى (ارتا) جاريالادى، دەپ حابارلايدى  "ادىرنا" ۇلتتىق پورتالى.

- اككرەديتتەۋ جانە رەيتينگتىڭ تاۋەلسىز اگەنتتىگى ۇجىمى اككرەديتتەۋ جانە رەيتينگتىڭ تاۋەلسىز اگەنتتىگىنىڭ باقىلاۋ كەڭەسىنىڭ توراعاسى تەمىرحان مىڭايدارۇلى دوسمۇحامبەتوۆتىڭ مەزگىلسىز قايتىس بولۋىنا بايلانىستى قايعىرىپ كوڭىل ايتادى، - دەلىنگەن اگەنتتىكتىڭ Facebook-تەگى حابارلاماسىندا.

تەمىرحان دوسمۇحامبەتوۆ 1996 جىلدىڭ اقپانىنان 1997 جىلدىڭ ساۋىرىنە دەيىن جاستار ءىسى، تۋريزم جانە سپورت ءمينيسترى بولىپ جۇمىس ىستەدى.

1997 جىلعى 2 ساۋىردەن 1997 جىلعى 14 قاراشاعا دەيىن  قر ءبىلىم بەرۋ جانە مادەنيەت مينيسترلىگىنىڭ تۋريزم جانە سپورت دەپارتامەنتىنىڭ ديرەكتورى.

1997 جىلعى 14 قاراشادان 1998 جىلعى قىركۇيەككە دەيىن قر ءبىلىم بەرۋ، مادەنيەت جانە دەنساۋلىق ساقتاۋ مينيسترلىگىنىڭ تۋريزم جانە سپورت كوميتەتىنىڭ توراعاسى.

1998 جىلعى قىركۇيەكتەن 2003 جىلعى ماۋسىمعا دەيىن قر پرەزيدەنتىنىڭ ءىس باسقارۋشىسى قىزمەتىن اتقاردى.

2003 جىلدىڭ ماۋسىمىنان 2004 جىلدىڭ ناۋرىزىنا دەيىن استانا قالاسىنىڭ اكىمى قىزمەتىن اتقاردى.

2004 جىلعى ناۋرىزدان 2006 جىلعى ناۋرىزعا دەيىن قر پرەزيدەنتىنىڭ ءىس باسقارۋشىسى.

2006-2011 جىلدارى قر تۋريزم جانە سپورت ءمينيسترى قىزمەتىن اتقارعان.

2012-2015 جىلدارى - ءماجىلىس دەپۋتاتى.

سونىمەن قاتار، 2010-2015 جىلدار ارالىعىندا ول قر ۇلتتىق وليمپيادا كوميتەتىنىڭ پرەزيدەنتى، اتقارۋ كوميتەتىنىڭ مۇشەسى بولدى. كەيىن «بايسەركە-اگرو» اگروونەركاسىپتىك حولدينگىن باسقاردى.

"ادىرنا" ۇلتتىق پورتالى

پىكىرلەر