ميللياردتاعان تەڭگەنى جىمقىردى دەگەن كۇدىكپەن اۋىل شارۋاشىلىعى مينيسترلىگى مەن اكىمدىكتەردىڭ قىزمەتكەرلەرى ۇستالدى، دەپ حابارلايدى "ادىرنا" ۇلتتىق پورتالى Express Qazaqstan سايتىنا سىلتەمە جاساپ.
وسىعان بايلانىستى قازاقستاندا اۋىل شارۋاشىلىعى مينيسترلىگىنىڭ قۇرىلىمدىق بولىمشەلەرى، اكىمدىكتەردىڭ قىزمەتكەرلەرى مەن ۇيىمداسقان قىلمىستىق توپ مۇشەلەرىن ۇستاۋ بويىنشا ارنايى وپەراتسيا جۇرگىزىلۋدە.
سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) مۇنداي وپەراتسيا ەلىمىزدىڭ جەتى وڭىرىندە ءجۇرىپ جاتقانىن حابارلادى.
- سىبايلاس جەمقورلىققا قارسى قىزمەت نۇر-سۇلتان، شىمكەنت، تۇركىستان، شىعىس قازاقستان، باتىس قازاقستان، اقمولا جانە اقتوبە وبلىستارىندا جەدەل ىزدەستىرۋ شارالارىنىڭ جۇرگىزىلگەنىن راستايدى. قاماۋعا الىنعان ادامداردىڭ بارلىعى اۋىل شارۋاشالىعىنا بولىنگەن سۋبسيديانى ۇرلاۋعا قاتىستى، — دەلىنگەن اگەنتتىكتىڭ ءباسپاسوز قىزمەتى بەرگەن مالىمەتتە.
"ادىرنا" ۇلتتىق پورتالى
