اتىراۋ وبلىسىنداعى اتىستا زارداپ شەككەن ءۇش ادامنىڭ جاعدايى اۋىر. بۇل تۋرالى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى مالىمدەدى دەپ حابارلايدى "ادىرنا" ۇلتتىق پورتالى.
ءباسپاسوز قىزمەتىنىڭ مالىمەتى بويىنشا قولى جەڭىل جارالانعان ءبىر ەر ادام ۇيىنە جىبەرىلگەن. بىرەۋى ماقات اۋداندىق اۋرۋحاناسىنا جەتكىزىلدى، ونىڭ دا قولى زاقىمدالعان. قازىر جاعدايى تۇراقتى، ەم الىپ جاتىر. تاعى ۇشەۋى ءتۇرلى جاراقاتپەن وبلىستىق اۋرۋحاناعا جەتكىزىلدى. ولاردىڭ جاعدايى تۇراقتى، تراۆماتولوگيا بولىمشەسىندە دارىگەرلەردىڭ باقىلاۋىندا.
"زارداپ شەككەندەردىڭ ءبىرىنىڭ ميى شايقالعان. سول جاق كوزى اۋىر جارالانعان. دەنەسىنە كوپ وق تيگەن. قازىرگى ۋاقىتتا جاعدايى اۋىر، نەيروحيرۋرگيا بولىمشەسىندە ەم الىپ جاتىر.
تاعى بىرەۋى ميى شايقالىپ كەلدى. ميىنا جەڭىل دارەجەدە زيان كەلگەن. كوپ وق تيگەن. سول قولتىعى كەسىلگەن. قازىرگى ۋاقىتتا جاعدايى ورتاشا اۋىر، ورتاشا، نەيروحيرۋرگيا بولىمىندە جاتىر.
ءۇشىنشى ەر ادامدانىڭ كەۋدە قۋىسىنا بىرنەشە وق تيگەن، وعان قوسا باسى مەن بەتىنە تيگەن. سول كوزى زاقىمدالعان. جاعدايى ورتاشا اۋىر، ورتاشا، شۇعىل حيرۋرگيا بولىمشەسىندە ەم الىپ جاتىر", - دەدى دەنساۋلىق ساقتاۋ باسقارماسى وكىلدەرى.
"ادىرنا" ۇلتتىق پورتالى.
