Atyraý oblysyndaǵy atysta zardap shekken úsh adamnyń jaǵdaıy aýyr. Bul týraly oblystyq densaýlyq saqtaý basqarmasynyń baspasóz qyzmeti málimdedi dep habarlaıdy "Adyrna" ulttyq portaly.
Baspasóz qyzmetiniń málimeti boıynsha qoly jeńil jaralanǵan bir er adam úıine jiberilgen. Bireýi Maqat aýdandyq aýrýhanasyna jetkizildi, onyń da qoly zaqymdalǵan. Qazir jaǵdaıy turaqty, em alyp jatyr. Taǵy úsheýi túrli jaraqatpen oblystyq aýrýhanaǵa jetkizildi. Olardyń jaǵdaıy turaqty, travmatologııa bólimshesinde dárigerlerdiń baqylaýynda.
"Zardap shekkenderdiń biriniń mıy shaıqalǵan. Sol jaq kózi aýyr jaralanǵan. Denesine kóp oq tıgen. Qazirgi ýaqytta jaǵdaıy aýyr, neırohırýrgııa bólimshesinde em alyp jatyr.
Taǵy bireýi mıy shaıqalyp keldi. Mıyna jeńil dárejede zııan kelgen. Kóp oq tıgen. Sol qoltyǵy kesilgen. Qazirgi ýaqytta jaǵdaıy ortasha aýyr, ortasha, neırohırýrgııa bóliminde jatyr.
Úshinshi er adamdanyń keýde qýysyna birneshe oq tıgen, oǵan qosa basy men betine tıgen. Sol kózi zaqymdalǵan. Jaǵdaıy ortasha aýyr, ortasha, shuǵyl hırýrgııa bólimshesinde em alyp jatyr", - dedi densaýlyq saqtaý basqarmasy ókilderi.
"Adyrna" ulttyq portaly.
