قر قارجى مينيسترلىگى قازاقستان مەن رەسەي شەكاراسىندا تۇرىپ قالعان اۆتوكولىكتەرگە قاتىستى جاعدايعا تۇسىنىك بەردءى دەپ حابارلايدى "ادىرنا" ۇلتتىق پورتالى.
كەشە اۋىر جۇك كولىكتەرىنىڭ جۇرگىزۋشىلەرى "قايراق" كەدەن بەكەتىندە ەكى تاۋلىك كەزەكتە تۇرعانى حابارلانعان بولاتىن.
قارجى مينيسترلىگىنىڭ ءباسپاسوز قىزمەتىنىڭ مالىمەتىنشە، كورشى ەلدە ەنگىزىلگەن كارانتين شارالارىنا بايلانىستى رەسەي جاعىندا اۆتوكولىكتەر جينالىپ قالعان.
"جۇك كولىكتەرىنىڭ كەزەگى 30 قازاندا قازاقستان-رەسەي شەكارا ۋچاسكەسىندە رەسەي جاعىنداعى "بۋگريستوە" الدىندا پايدا بولدى. مۇنىڭ سەبەبى - 2021 جىلدىڭ 30 قازانىنان باستاپ رەسەي پرەزيدەنتىنىڭ جارلىعىنا سايكەس ەنگىزىلگەن رەسەي فەدەراتسياسىنداعى كارانتين شارالارى. قازاقستان اۋماعىندا كەپتەلىس بايقالعان جوق", - دەلىنگەن ۆەدومستۆو حابارلاماسىندا.
جارلىققا سايكەس رەسەيدە 30 قازان مەن 7 قاراشا ارالىعى جۇمىس كۇنى ەمەس دەپ جاريالاندى، وسىعان بايلانىستى قازاقستاندىق جانە رەسەيلىك تاسىمالداۋشىلار قر اۋماعىنا بەت العان.
قارجى مينيسترلىگى وكىلدەرى رەسەي تاراپىنان قازاقستانعا ورتا ەسەپپەن "قايراق" ءاوپ ارقىلى كۇن سايىن 600-گە جۋىق اۆتوكولىك وتەتىنىن، بۇل رەتتە 30 قازاندا كورسەتكىش 860-قا دەيىن كۇرت وسكەنىن اتاپ ءوتتى.
"30 قازاندا ساعات 16.00-دەگى جاعداي بويىنشا، رەسەي جاعىندا جاعداي تۇراقتاندى", - دەدى مينيسترلىكتەگىلەر.
"ادىرنا" ۇلتتىق پورتالى.
