اتىراۋ وبلىسىندا بەس ادام وق جاراقاتىن الدى

4019
Adyrna.kz Telegram

30 قازان كۇنى اتىراۋ وبلىسىندا اۋىل تۇرعىندارى اراسىنداعى توبەلەس بولعان دەپ حابارلايدى "ادىرنا" ۇلتتىق پورتالى "موي گورود" پورتالىنا سىلتەمە جاساپ.

قازىرگى ۋاقىتتا 36 جاستاعى ەر ادامنىڭ اۋرۋحانادا قايتىس بولعانى بەلگىلى بولدى.

- ساعات 19:30 شاماسىندا اتىراۋ-اقتوبە تاس جولىنىڭ 331-ءشى شاقىرىمىندا ورنالاسقان قىزىلقوعا اۋدانى ساعىز اۋىلىنىڭ ماڭىندا توبەلەس بولدى. 5 ادام وق جاراقاتىن الدى، بىرەۋىنىڭ قولى سىنعان. سونىڭ سالدارىنان 1985 جىلى تۋعان ازامات العان جاراقاتىنان ساعىز كەنتىندەگى امبۋلاتوريادا كوز جۇمدى، — دەپ حابارلادى اتىراۋ وبلىسى دپپ ءباسپاسوز قىزمەتى.

قازىر وقيعا ورنىندا وبلىستىق پوليتسيا دەپارتامەنتىنىڭ جەدەل-تەرگەۋ توبى جۇمىس ىستەپ جاتىر. اتالعان فاكتى بويىنشا قر قىلمىستىق كودەكسىنىڭ 99-بابىنىڭ 2-بولىگى "ادام ءولتىرۋ" بويىنشا سوتقا دەيىنگى تەرگەۋ امالدارى جۇرگىزىلۋدە.

پوليتسەيلەر وقيعاعا اۋىل تۇرعىندارى اراسىنداعى كەلىسپەۋشىلىك سەبەپ بولعان دەپ ەسەپتەيدى. قازىر مالىمەتتەر ناقتىلانۋدا.

 

"ادىرنا" ۇلتتىق پورتالى.

پىكىرلەر