كابۋلدا قازا بولعان قازاقستاندىق ەرلان جامپەيىسوۆ وسى سەنبىدە استانادا جەرلەندى. بۇل تۋرالى قازا بولعان قازاقستاندىقتىڭ اكەسى جۇسىپبەرگەن جامپەيىسوۆ ايتتى.
"سەنبى كۇنى جەرلەدىك. دەنەسى جۇما كۇنى جەتكىزىلدى، استانادا جەرلەدىك. الياقتىق جونىندە ارىز جازدىق. بوستاندىق اۋداندىق ءىىد وكىلدەرىنە. ارىزدى قابىل العاندارى جايلى قاعازىم بار. نە ىستەرىمدى بىلمەيمىن، وسى ىسكە ءىىم قوسۋ كەرەك شىعار. دەنەسىن ءسىم وكىلدەرى جەتكىزدى", - دەدى قازا بولعان قازاقستاندىقتىڭ اكەسى.
سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى ءانۋار جايناقوۆ بۇل مالىمەتتى راستادى.
ەسكە سالا كەتەيىك، وسىعان دەيىن كابۋلدا Intercontinental قوناقۇيىنە جاسالعان شابۋىلدان قازاقستاندىق ازاماتتىڭ قازا بولعانى حابارلانعان ەدى. 20 قاڭتاردا كەشكى ۋاقىتتا سودىرلار Intercontinental Hotel قوناقۇيىنە باسىپ كىرگەن. Tolo News تەلەارناسىنا سىلتەمە جاساعان ريا نوۆوستي مالىمەتىنشە، 18 ساعات بويى جالعاسقان شابۋىل توقتاتىلعان. ناتيجەسىندە 126 ادام قۇتقارىلعان، ولاردىڭ 41-ءى شەتەلدىك.
tengrinews.kz
