تاشكەنتتە كوسىگين اتىنداعى ديزاين جانە تەحنولوگيا ۋنيۆەرسيتەتىنىڭ جانە ماسكەۋ مەملەكەتتىك گەودەزيا جانە كارتوگرافيا ۋنيۆەرسيتەتىنىڭ فيليالدارى اشىلادى. بۇل تۋرالى وزبەكستان مەن رەسەي اراسىنداعى ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ 22-ءشى وتىرىسىنىڭ قاتىسۋشىلارى مالىمدەدى، دەپ حابارلايدى “ادىرنا” ۇلتتىق پورتالى.
«جاقىن ارادا كوسىگين اتىنداعى ديزاين جانە تەحنولوگيا ۋنيۆەرسيتەتىنىڭ جانە ماسكەۋ مەملەكەتتىك گەودەزيا جانە كارتوگرافيا ۋنيۆەرسيتەتىنىڭ فيليالدارى اشىلادى »، - دەلىنگەن حابارلامادا.
رەسەي دەلەگاتسياسىن رەسەيدىڭ ەكونوميكالىق دامۋ ءمينيسترى ماكسيم رەشەتنيكوۆ، وزبەكستان دەلەگاتسياسىن پرەمەر-ءمينيستردىڭ ورىنباسارى ساردور ۋمۋرزاقوۆ باسقاردى. كەزدەسۋدە مادەني-گۋمانيتارلىق ىنتىماقتاستىققا ەرەكشە نازار اۋدارىلدى.
«وسى باعىتتا جوعارى بىلىكتى كادرلاردى دايارلاۋ، عىلىمي زەرتتەۋلەر مەن ازىرلەمەلەر سەكتورىنداعى ىنتىماقتاستىق، سونداي-اق ءبىلىم فورۋمى، مەديا فورۋم، رەسەيدەگى وزبەكستاننىڭ مادەنيەت كۇندەرى سياقتى بىرقاتار بىرلەسكەن ءىس-شارالاردى وتكىزۋ ماسەلەلەرى قاراستىرىلدى»، - دەلىنگەن حابارلامادا.
وزبەكستاندا قازىردىڭ وزىندە رەسەيلىك جوعارى وقۋ ورىندارىنىڭ 15 فيليالى جۇمىس ىستەيدى. بيىلعى جىلى ماسكەۋ بۇكىلرەسەيلىك مەملەكەتتىك كينەماتوگرافيا ينستيتۋتىنىڭ ءبىرىنشى ءارى جالعىز فيليالى جۇمىس ىستەي باستاعان ەدى. وزبەكستاننان دا 40 مىڭعا جۋىق ستۋدەنت رەسەيدە ءبىلىم الۋدا.
“ادىرنا” ۇلتتىق پورتالى
