Reseı Ózbekstanda eki ýnıversıtet ashady

2971
Adyrna.kz Telegram

Tashkentte Kosygın atyndaǵy dızaın jáne tehnologııa ýnıversıtetiniń jáne Máskeý memlekettik geodezııa jáne kartografııa ýnıversıtetiniń fılıaldary ashylady. Bul týraly Ózbekstan men Reseı arasyndaǵy ekonomıkalyq yntymaqtastyq jónindegi úkimetaralyq komıssııanyń 22-shi otyrysynyń qatysýshylary málimdedi, dep habarlaıdy “Adyrna” ulttyq portaly. 

«Jaqyn arada Kosygın atyndaǵy Dızaın jáne tehnologııa ýnıversıtetiniń jáne Máskeý memlekettik geodezııa jáne kartografııa ýnıversıtetiniń fılıaldary ashylady », - delingen habarlamada.

Reseı delegaııasyn Reseıdiń Ekonomıkalyq damý mınıstri Maksım Reshetnıkov, Ózbekstan delegaııasyn Premer-mınıstrdiń orynbasary Sardor Ýmýrzaqov basqardy. Kezdesýde mádenı-gýmanıtarlyq yntymaqtastyqqa erekshe nazar aýdaryldy.

«Osy baǵytta joǵary bilikti kadrlardy daıarlaý, ǵylymı zertteýler men ázirlemeler sektoryndaǵy yntymaqtastyq, sondaı-aq bilim forýmy, Medıa forým, Reseıdegi Ózbekstannyń mádenıet kúnderi sııaqty birqatar birlesken is-sharalardy ótkizý máseleleri qarastyryldy», - delingen habarlamada.

Ózbekstanda qazirdiń ózinde reseılik joǵary oqý oryndarynyń 15 fılıaly jumys isteıdi. Bıylǵy jyly Máskeý Búkilreseılik memlekettik kınematografııa ınstıtýtynyń birinshi ári jalǵyz fılıaly jumys isteı bastaǵan edi. Ózbekstannan da 40 myńǵa jýyq stýdent Reseıde bilim alýda.

“Adyrna” ulttyq portaly

Pikirler