عىلىمي جۇمىستاردىڭ حالىقارالىق بازاسى قازاقستاندىق زەرتتەۋشىلەردىڭ جالعان جاريالانىمدارىن جوققا شىعاردى. الەمگە ايگىلى Scopus كومپانياسى عىلىمي قۇنى جوق جۋرنالداردىڭ كۇشىن جويدى.
Scopus عىلىمي جۇمىستار حالىقارالىق بازاسىنىڭ "قارا تىزىمىنە" بارلىعى 424 باسىلىم ەنگەن. ونىڭ ىشىندە ەڭ كوپ جالعان جۇمىستار جاريالاعان Man in India جۋرنالى ەكەن. باسىلىمدا قازاقستاندىق زەرتتەۋشىلەردىڭ 116 جۇمىسى بار. ماقالا جازعاندار اراسىندا جاس زەرتتەۋشىلەر عانا ەمەس، سونىمەن قاتار جوعارى وقۋ ورىندارىنىڭ رەكتورلارى مەن عىلىمي ورتالىق باسشىلارى دا بولعان.
كەي مالىمەتتەرگە سۇيەنسەك، اۆتورلار ءار جاريالانىمى ءۇشىن مىڭ دوللاردان تولەپ وتىرعان.
قالاي بولعاندا دا جالعان جۋرنالدا ماقالا شىعارعان ادامدار ونى ەندى پايداسىنا جاراتىپ ۇلگەردى. ءبىرى ديسسەرتاتسياسىن قورعاسا، ەندى ءبىرى گرانتىن ۇتىپ الدى. الايدا ولاردىڭ جەتىستىكتەرى كۇشىن جويمايتىن بولدى.
"قارا ءتىزىم" ءبىر اپتا بۇرىن جاريالانسا دا، قر ءبىلىم جانە عىلىم ءمينيسترى ول تۋرالى ەستىمەگەن ەكەن. ەرلان ساعاديەۆ اتالعان اقپاراتتان بەيحابار ەكەنىن ايتىپ، ماسەلەنىڭ ءمان-جايىن انىقتايتىنىن جەتكىزدى.
nur.kz
