ەل تاۋەلسىزدىگىنىڭ 30 جىلدىعى قارساڭىندا Yessenov University-دە "تاۋەلسىز قازاقستان ءتورتىنشى ونجىلدىقتا" وبلىستىق جاستار فورۋمى ءوتتى.
ماڭعىستاۋ وبلىسىنىڭ ءتۇرلى ساناتتاعى جاستاردىڭ بەلسەندى وكىلدەرىنىڭ (ستۋدەنتتەر، جاس كاسىپكەرلەر، اۋىل جاستارى جانە ت.ب.) قاتىسۋىمەن وتكەن سالتاناتتى شارادا ماڭعىستاۋ وبلىسىنىڭ ىشكى ساياسات باسقارماسى باسشىسىنىڭ ورىنباسارى نۇرتاس سالي، ماڭعىستاۋ وبلىسىنىڭ ءماسليحات دەپۋتاتى ايات سۇگىرباي جانە "Jas Otan" جاستار قاناتى ماڭعىستاۋ وبلىستىق فيليالىنىڭ توراعاسى ناۋرىزبەك ماعداتوۆ ءسوز سويلەدى.
جاستار فورۋمىنىڭ قوناقتارى ەلىمىزدىڭ تاۋەلسىزدىك جىلدارىنداعى جەتىستىكتەرى مەن كەلەسى ونجىلدىقتاعى شەشۋشى باعىتتارى مەن ستراتەگيالىق ماقساتتارى جايىندا ويىمەن ءبولىسىپ، ەركىن پىكىر الماستى.
"ادىرنا" ۇلتتىق پورتالى.
