قىتايدىڭ ۋحان قالاسىندا (ورتالىق قىتايدىڭ حۋبەي پروۆينتسياسى) قىلمىسكەر پىشاقپەن ادامدارعا شابۋىل جاساپ، كەمىندە جەتى ادام قازا تاۋىپ، تاعى ءبىر ادام جارالاندى، دەپ حابارلايدى "ادىرنا" ۇلتتىق پورتالى تاسس قالالىق پوليتسيا دەپارتامەنتىنە سىلتەمە جاساپ.
وقيعا كايديان اۋدانىندا بولعان. حابارلانعانداي، گاو ەسىمدى 39 جاستاعى تۇرعىن بەس ادامدى پىشاقتاپ ولتىرگەن. تاعى ءبىر جابىرلەنۋشى جاراقات الىپ، قاشىپ ۇلگەرگەن. سودان كەيىن قۇقىق بۇزۋشى دا قاشىپ كەتىپ، تاعى ەكى جولاۋشىنى ولتىرگەن. وسىدان كەيىن پوليتسيا ونىڭ كوپىردەن يانتسزى وزەنىنە سەكىرگەنىن ايتتى.
شابۋىلشىنىڭ قولعا تۇسكەنى نەمەسە دەنەسىنىڭ تابىلعانى تۋرالى ازىرگە اقپارات جوق.
"ادىرنا" ۇلتتىق پورتالى
