نيگەريالىق ازاماتقا تۇرمىسقا شىققان قازاق قىزى: "ماعان ءبارىبىر"

10680

نيگەريالىق ازاماتپەن باس قوسقان قازاق قىزى زايدا جاڭاباەۆا "تولىق بولعاندىقتان قازاق جىگىتى المادى" دەپ وزىنە مۇسىركەي قاراعان جاندارعا جاۋاپ بەردى، دەپ حابارلايدى "ادىرنا" ۇلتتىق پورتالى.

- جالپى سوڭعى كەزدە مەنىڭ سالماعىمدى، ءمۇسىنىمدى اڭگىمە قىلىپ جۇرگەندەر كوپ. ارىقتاۋ تاسىلدەرىن ايتىپ، كەڭەس بەرىپ جاتىر. قازاقتار مەنى المايتىن ەدى دەيدى، سەبەبى ولار ءۇشىن تىم تولىق ەكەنمىن. بۇل سوزدەرىنە تىم سەنىمدى. "المايدى ونى، ەندى نە ىستەيدى؟!" دەيدى. ال مەن بولسام، وسى كىسىلەردىڭ ويىندا نە بار ەكەن دەپ تاڭعالام. "ول تولىق، قازاقتار المايدى، ولارعا مودەل كەرەك" دەۋ ارقىلى ولار نەنى دالەلدەگىسى كەلەدى؟ ءتىپتى سوڭعى كەزدەرى نۋتريتسيولوگسىماقتار حابارلاسىپ، "كومەك كەرەك ەمەس پە؟"دەپ سۇرايتىن بولىپتى، - دەيدى زايدا.

ايتۋىنشا، ول ەلدىڭ مۇنداي كومەگىنە مۇلدەم مۇقتاج ەمەس، سەبەبى ءوزىن وسى قالپىندا جاقسى سەزىنەدى.

- مەنىڭ دەنەم، ءمۇسىنىم ماعان وزىمە ۇنايدى. ال سىزدەردىڭ پىكىرلەرىڭىز بەن كەڭەستەرىڭىزدى ەلەمەيمىن. قازاقتارعا دا تولىق قىزدار ۇناي ما-ۇناماي ما، ماعان ءبارىبىر، - دەپ جازدى ول.

زايدا، سونىمەن بىرگە، قىزدارعا ءوزىن-ءوزى جاقسى كورۋ كەرەكتىگىن ەسكەرتتى.

 

پوسموترەت ەتۋ پۋبليكاتسيۋ ۆ Instagram

 

پۋبليكاتسيا وت Zaida (@5rochka)

"باستىسى، ءوزىڭىزدى ءوزىڭىز جاقسى كورىڭىز. بۇل سەزىلىپ تۇرادى. ادام ءوزىن-ءوزى جاقسى كورسە، بۇل ونىڭ جۇزىنەن كورىنەدى. سەنىمدى بولۋ، ءوزىڭدى قابىلداۋ، ءوزىڭنىڭ قازىرگى قالپىڭنان ءلاززات الا ءبىلۋ - كەرەمەت نارسە. شىنى كەرەك، وسى ۋاقىتقا دەيىن كوپتەگەن سىمباتتى جىگىتتەر ماعان ءسوز سالعان", - دەگەن مۋزىكانت قىز وزگەنىڭ جۇرەگىن جاۋلاۋ ءۇشىن ايەل ءوزىن حانشايىمداي سەزىنۋ كەرەكتىگىن باسا ايتتى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى