Facebook 178 ملن قولدانۋشىنىڭ دەرەگىن ۇرلاعان ادامدى سوتقا بەردى

528

Facebook الەۋمەتتىك جەلىسى 178 ميلليون قولدانۋشىنىڭ جەكە دەرەكتەرىن ۇرلادى جانە ساتتى دەپ ۋكراين ازاماتىنا ايىپ تاقتى, دەپ حابارلايدى "ادىرنا" ۇلتتىق پورتالى "ريا نوۆوستيگە" سىلتەمە جاساپ.

شاعىم اقش-تاعى كاليفورنيانىڭ سولتۇستىك وكرۋگىنىڭ سوتىنا جولدانعان. وندا الەكساندر سولونچەنكونىڭ جەلىنى قولدانۋشىلاردىڭ جەكە دەرەكتەرىن قولدى قىلعانى ايتىلادى.

كومپانيا وكىلدەرىنىڭ ايتۋىنشا، 2018 جىلدىڭ قاڭتارىنان 2019 جىلدىڭ قىركۇيەگىنە دەيىن ول جەلىنى قولدانۋشىلاردىڭ اككاۋنتتارى مەن تەلەفون نومىرلەرىنىڭ سايكەستەندىرۋ دەرەكتەرىنە قول جەتكىزگەن. ول ءۇشىن اۆتوماتتى رەجيمدى قوساتىن ارنايى باعدارلامالىق جاساقتامانى قولدانا وتىرىپ، Messenger قوسىمشاسى ارقىلى جەلى قولدانۋشىلارىنا سۇراۋ جولداعان.

2021 جىلدىڭ مامىرىندا، Facebook-ءتىڭ حابارلاۋىنشا، سولونچەنكو ۇرلانعان وسى مالىمەتتەردى سالالىق ونلاين-فورۋمدا ساتقان. كومپانيا باسشىلىعى سوت سولونچەنكونى شىعىندى وتەۋگە مىندەتتەپ، كومپانيا قىزمەتىن پايدالانۋعا تىيىم سالادى دەپ ۇمىتتەنەدى.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى