«قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى ورتالىق ازيا ءوڭىرىنىڭ قاۋىپسىزدىگىن قامتاماسىز ەتۋدە اسكەري-تەحنيكالىق جاردەم كورسەتۋ تۋرالى كەلىسىمگە قول قويۋ تۋرالى» ۇكىمەت قاۋلىسىنىڭ جوباسى دايىندالدى، دەپ حابارلايدى «ادىرنا» ءتىلشىسى قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
وسى قۇجات قازاقستاننىڭ قىرعىزستانعا اسكەري مۇلىكتى ءبىر جولعى بەرۋى ءۇشىن قۇقىقتىق نەگىز رەتىندە ازىرلەندى.
كەلىسىمدى ىسكە اسىرۋ قىرعىز رەسپۋبليكاسى قارۋلى كۇشتەرىنىڭ وڭىرلىك قاۋىپسىزدىككە تونەتىن قاتەرلەرگە تويتارىس بەرۋ جونىندەگى مۇمكىندىكتەرىن كۇشەيتۋگە ىقپال ەتەتىن بولادى.
قۇجاتتىڭ تولىق ماتىنىمەن 2021 جىلعى 5 قاراشاعا دەيىن مىنا سىلتەمە ارقىلى https://legalacts.egov.kz/npa/view?id=12388525 تانىسۋعا بولادى.
«ادىرنا» ۇلتتىق پورتالى
