گەرمانيادا ابايدىڭ ەسكەرتكىشى اشىلدى

3801
Adyrna.kz Telegram

بۇگىن قازاقستان رەسپۋبليكاسى تاۋەلسىزدىگىنىڭ 30 جىلدىعى اياسىندا گەرمانيا فەدەراتيۆتىك رەسپۋبليكاسىنىڭ استاناسى بەرلين قالاسىندا، ەلىمىزدىڭ ۇلى اقىنى، اعارتۋشى، قازاق جازبا ادەبيەتىنىڭ، قازاق ادەبي ءتىلىنىڭ نەگىزىن قالاۋشى اباي قۇنانبايۇلىنا ارنالعان ەسكەرتكىشتىڭ رەسمي اشىلۋ سالتاناتى ءوتتى، دەپ حابارلايدى «ادىرنا» ءتىلشىسى مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.

ەسكەرتكىشتىڭ اشىلۋ راسىمىنە مادەنيەت جانە سپورت ءمينيسترى اقتوتى رايىمقۇلوۆا مەن قازاقستان رەسپۋبليكاسىنىڭ گەرمانياداعى توتەنشە جانە وكىلەتتى ەلشىسى داۋرەن كارىپوۆ قاتىستى.

اقتوتى رايىمقۇلوۆا گەرمانيا حالقى مەن ۇكىمەتىنە ەلىمىزدىڭ ابايعا ەسكەرتكىش ورناتۋ جونىندەگى ۇسىنىسىن قولداپ، دەمەۋ كورسەتكەنى ءۇشىن العىس ءبىلدىردى.

«اباي قۇنانبايۇلى مەن گەرمانيا حالقىنىڭ ۇلى اقىنى گەتە پوەزياسى اراسىندا تاڭعالارلىق ۇندەستىكتى بايقاماۋ مۇمكىن ەمەس. اباي اۋدارماسىنىڭ ارقاسىندا ءبىز يوگانن گەتەنىڭ ءبىرشاما تۋىندىسىمەن ەتەنە تانىستىق. سونىڭ ءبىرى، ءارى بىرەگەيى حاكىم انا تىلىمىزدە سويلەتكەن «قاراڭعى تۇندە تاۋ قالعىپ» ولەڭى. وسىلايشا، اباي ەكى حالىقتىڭ ادەبيەتى مەن مادەنيەتىن بايلانىستىرۋشى بەرىك كوپىرگە اينالدى. اباي مەن گەتە سەكىلدى ادامزاتتىڭ اسىل ۇلدارىن ارداقتاۋ، ولاردىڭ مۇراسىن، ەسىمىن اسقاقتاتۋ – ءسىز بەن ءبىزدىڭ پارىزىمىز. بۇگىن مازمۇندى مەيماندوستىق داستۇردە ءوتىپ جاتقان ءىس-شارا جوعارىدا ايتىپ وتكەن رۋحاني بايلانىستى نىعايتا بەرەرىنە سەنىمىم مول»،-دەدى مادەنيەت جانە سپورت ءمينيسترى.

«ادىرنا» ۇلتتىق پورتالى

پىكىرلەر