ەلىمىزدە دەسترۋكتيۆتى ءدىني اعىم بەلگىلەرىنە تىيىم سالىنباق
ءدىني قىزمەت تۋرالى زاڭ جوباسىندا دەسترۋكتيۆتى ءدىني اعىمداردىڭ سىرتقى كورىنىسى بولىپ تابىلاتىن اتريبۋتتار، مىسالى قاۋعا ساقال مەن قىسقا بالاق، سونداي-اق بەتتى جاۋىپ تۇراتىن كيىم-كەشەكتى قوعامدىق ورىنداردا كيىپ جۇرۋگە شەكتەۋ قويىلماق. بۇل تۋرالى ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ ايتتى، دەپ حابارلايدى Sputnik قازاقستان تىلشىسى.
بۇگىن ماجىلىستە نۇرلان ەرمەكباەۆ ءدىني قىزمەت جانە ءدىني بىرلەستىكتەر ماسەلەلەرى بويىنشا زاڭ جوباسىن تانىستىردى. زاڭ جوباسىنداعى وزگەرىستەردىڭ ءبىرى – بەت-الپەتتى جاۋىپ تۇراتىن كيىمدى قوعامدىق ورىنداردا كيىپ جۇرۋگە جانە دەسترۋكتيۆتى ءدىني اعىمداردىڭ سىرتقى كورىنىسى بولىپ تابىلاتىن اتريبۋتتاردى، كيىم-كەشەكتى قوعامدىق ورىنداردا پايدالانۋعا، كيىپ جۇرۋگە جانە تاراتۋعا، سونداي-اق ولاردىڭ يدەولوگياسىن تاراتۋعا شەكتەۋ قويۋ.
"زاڭ جوباسىندا دەسترۋكتيۆتi دiني اعىم بەلگiلەرiن پايدالانۋ جانە كوپشiلiككە كورسەتۋگە تىيىم سالۋ كوزدەلiپ وتىر. ولار زاڭنامالىق اكتiدە بەكiتiلەدi. بۇل بەلگiلەردىڭ ىشىنە تەك سىرتقى عانا ەمەس، يدەولوگيالىق، پسيحولوگيالىق، ۇيىمداستىرۋشىلىق ءارi ءدىني جورالعى بەلگiلەرى كىرەدى. دەسترۋكتيۆتi دiني اعىمداردىڭ سىرتقى بەلگiلەرiنە يسلامداعى راديكالدى اعىمدارعا ءتان دۇنيەلەر جاتقىزىلۋى مۇمكiن. مىسالى، بەتتى جاۋىپ تۇراتىن كيiم، بالاعى قىسقا شالبار، ساقال بولۋى مۇمكiن. ولار جەكە-جەكە ەمەس، بiرگە قاراستىرىلادى. ارنايى ساراپتاما ارقىلى ولاردىڭ دەسترۋكتيۆتi اعىمعا جاتاتىنى-جاتپايتىنىنا باعا بەرiلەدi", — دەدى ەرمەكباەۆ جۋرناليستەرگە.
ونىڭ ايتۋىنشا، بۇل بەلگiلەر زاڭنامالىق نورماتيۆتiك-قۇقىقتىق اكتiدە بەكiتiلەدi.
"بۇل اكتiدە ەسكيزدەر نەمەسە فوتوسۋرەتتەر بەرiلۋi دە مۇمكiن. ۇسىنىس بويىنشا، بۇل IIم، ۇقق، دiن iستەرi جانە ازاماتتىق قوعام مينيسترلiگiنiڭ بiرلەسكەن بۇيرىعى بولادى. ماماندار بۇل بەلگiلەردiڭ دەسترۋكتيۆتi دiني اعىمعا جاتاتىنى-جاتپايتىنىن انىقتايدى. ياعني، تەرىس اعىمنىڭ بىرنەشە سىرتقى بەلگiسi بار ازاماتپەن تiلدەسiپ، ونىڭ دiني كوزقاراسى جايلى سويلەسەدi. تەك قاجەت بولعان جاعدايدا وعان ەسكەرتۋ جاسالادى", — دەدى مينيستر.
https://sputniknews.kz
