اسسامبلەيا ىنتىماق ۇلگىسى بولۋى كەرەك. اسىرەسە جاستار اراسىندا بىرلىكتى ناسيحاتتاۋ ىسىندە وسى ۇيىم الدىڭعى قاتاردان تابىلۋى ءتيىس. وسىلاي دەگەن قازاقستان حالقى اسسامبلەياسى حاتشىلىعىنىڭ مەڭگەرۋشىسى مارات ءازىلحانوۆ شىمكەنتكە جاساعان ساپارىنىڭ ماقساتىنا توقتالدى. قالالىق ەتنومادەني بىرلەستىكتەردىڭ توراعالارىمەن جانە اسسامبلەيا جانىنداعى قوعامدىق قۇرىلىمداردىڭ جەتەكشىلەرىمەن كەزدەستى.
بيىل قحا قىزمەت باعىتى بويىنشا شىمكەنتتە 186 ءىس-شارا ۇيىمداستىرىلعان. قوعامدىق كەلىسىم كەڭەستەرىمەن 19 ماسەلە قارالدى. انالار كەڭەستەرىنىڭ باستاماسىمەن 5 جوبا ىسكە استى. اسسامبلەيانىڭ مەدياتيۆتىك الاڭدارىندا 53 داۋلى ماسەلە وڭ شەشىلگەن. جيىندى جۇرگىزگەن قالا اكىمىنىڭ ءبىرىنشى ورىنباسارى شىڭعىس مۇقان شاھاردا اتقارىلىپ جاتقان شارۋالارعا توقتالدى.
شىڭعىس مۇقان – شىمكەنت قالاسى اكىمىنىڭ ءبىرىنشى ورىنباسارى
قازاقستان حالقى اسسامبلەياسىنىڭ ءححىح سەسسياسىندا بەرىلگەن تاپسىرمالاردى ساپالى جۇزەگە اسىرۋ بارىسى تالقىلانعان جيىندا ەتنومادەني بىرلەستىك وكىلدەرىنە ءسوز بەرىلدى. قحا جانىنداعى قوعامدىق كەلىسىم كەڭەسىنىڭ توراعاسى ورىنباي راحمانبەرديەۆ قالالىق فيليال قىزمەتكەرلەرىنىڭ جالاقىسىن كوتەرۋ كەرەكتىگىن ءسوز ەتتى. كورەي ەتنومادەني بىرلەستىگىنىڭ ءتورايىمى روزا پاك، قالالىق وزبەك ەتنومادەني بىرلەستىگى جاستار قاناتىنىڭ مۇشەسى حۋرماتوي ابدۋحاميدوۆا ءسوز سويلەپ، ۇسىنىس-پىكىرلەرىن ايتتى. جيىندى تۇيىندەگەن مارات ءازىلحانوۆ اسسامبلەيانىڭ الىدە اتقارۋى ءتيىس شارۋالاردىڭ كوپ ەكەندىگىن ەسكەرتتى. سونىڭ ءبىرى جاستار اراسىندا ىنتىماقتى دامىتۋ.
مارات ءازىلحانوۆ - قحا توراعاسىنىڭ ورىنباسارى
وزەكتى ماسەلەنىڭ ءبىرى ەلىمىزدە جاستار اراسىندا ىنتىماقتى نىعايتۋ. وسى ماقساتتى اسسامبلەيا جۇمىسىن جەتىلدىرۋ قاجەتتىلىگى تۋىنداۋدا. تاربيەنى تال بەسىكتەن باستاۋ كەرەكتىگىن قر اقپارات جانە قوعامدىق دامۋ مينيستىرلىگنىڭ ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكين اتاپ ءوتتى.
عالىم شويكين - قر اقپارات جانە قوعامدىق دامۋ مينيستىرلىگىنىڭ ەتنوسارالىق قاتىناستاردى دامىتۋ كوميتەتىنىڭ توراعاسى
اسسامبلەيا مۇشەلەرىنىڭ ۇسىنىس-پىكىرلەرىن تىڭداپ، پىكىر الماسقاننان كەيىن قحا توراعاسىنىڭ ورىنباسارى مەملەكەتتىك ساياسات اياسىندا بىرلىك پەن تاتۋلىقتى نىعايتۋدا بەلسەندى قىزمەت جاساپ جۇرگەن بىرقاتار ازاماتتارعا العىس حات تابىستادى.
ك. دۇيسەنبى
