"اق جول" دەموكراتيالىق پارتياسى پارلامەنتتە بيۋدجەتتى عانا ەمەس، ۇكىمەتتىڭ ءىس-قيمىل باعدارلاماسىن دا بەكىتۋدى ۇسىندى. بۇل ۇسىنىستى فراكتسيا جەتەكشىسى ازات پەرۋاشەۆ ءماجىلىستىڭ جالپى وتىرىسىندا بيۋدجەتتى تالقىلاۋ بارىسىندا ايتتى دەپ حابارلايدى "ادىرنا" ۇلتتىق پورتالى.
دەموكراتتار فراكتسياسىنىڭ جەتەكشىسى ءوز سوزىندە ۇلتتىق قوردىڭ ازايمايتىن شەگىنەن جانە مەملەكەتتىك قارىزدىڭ رۇقسات ەتىلگەن مولشەرىنەن اسىپ كەتۋى تۋرالى ۇكىمەتتىڭ الاڭداتارلىق بولجامدارىنا نازار اۋداردى.
ء"بىز بۇل بولجامدى ۇكىمەتتىڭ جوسپارى نەمەسە "ماقساتى" رەتىندە ەمەس، قازىرگى تەندەنتسيالاردى بايىپتى جانە الاڭداتارلىق باعالاۋ رەتىندە قابىلداۋ كەرەك دەپ ۇمىتتەنەمىز، - دەدى ا.پەرۋاشەۆ. — وسىعان بايلانىستى "اق جول" دەموكراتيالىق پارتياسى ۇلتتىق قوردىڭ قاراجاتىن باسقارۋدى رەتتەيتىن نورماتيۆتىك قۇجاتتاردى، سونداي-اق مەملەكەتتىك قارىزدى تارتۋ جانە وتەۋ ءتارتىبىن قايتا قاراۋ قاجەت دەپ سانايدى. ەگەر ۇكىمەت بۇل تەرىس بولجامداردى الدىن-الا ەسكەرتۋ رەتىندە جانە وسىنداي وقيعالاردىڭ الدىن-الۋ ماقساتىندا كۇش-جىگەردى جۇمىلدىرۋ ءۇشىن جاساسا، ءبىز وسى باعىتتاعى ءىس-قيمىل جوسپارىن ۇسىنۋدى سۇرايمى".
"اق جول" دەموكراتيالىق پارتياسى ۇكىمەتتىڭ جۇمىسىن جۇمسالعان قاراجات بويىنشا ەمەس، ناقتى مىندەتتەرگە قول جەتكىزۋ بويىنشا باعالاۋ ءۇشىن پارلامەنتتە ۇكىمەتتىڭ ۇقساس كەزەڭگە ارنالعان ءىس-قيمىل باعدارلاماسىن دا قاراۋدى جانە بەكىتۋدى ۇسىنادى.
"ەگەر ينديكاتورلاردىڭ مۇنداي اۋىتقۋلارى داعدارىستان كەيىنگى قالپىنا كەلتىرۋ جاعدايىندا قاۋىپتى ەمەس جانە ەڭسەرىلمەيتىن بولىپ سانالسا، وندا بۇل قۇجاتتاردى قايتا قاراۋ اياسىندا ۇكىمەتكە ونىڭ ساياسي جاۋاپكەرشىلىگىنە ۇلكەن يكەمدىلىك بەرۋ قاجەت", - دەدى دەپۋتات.
"ادىرنا" ۇلتتىق پورتالى.
