شىمكەنتتە وسى جىلدىڭ 8 ايىندا ونەركاسىپ ءونىمىنىڭ ءوسىمى 106,4 پايىز بولىپ، 484,5 ملرد. تەڭگەگە جەتكەن. وندىرىلگەن ونىمدەردىڭ 87 پايىزىن وڭدەۋ ونەركاسىبى قۇراپ وتىر.
وڭدەۋ ونەركاسىبى سالاسىندا جيھاز، حيميا ونەركاسىبى، ەلەكتر جابدىعى، دايىن مەتالل، كيىم-كەشەك، سۋسىندار، تاماق ونىمدەرى، توقىما بۇيىمدارى مەن مۇناي وڭدەۋ ونىمدەرىنىڭ ناقتى كورسەتكىش يندەكسى 100 پايىزدان اسادى.
ءونىم كولەمى ارتقان سالانىڭ ءبىرى – حيميا ونەركاسىبى. بۇل سالا ءوندىرىسى وتكەن جىلمەن سالىستىرعاندا 58,8 پايىزعا ارتقان. كاسىپورىنداردا جىل باسىنان بەرى 6,1 ملرد. تەڭگەنىڭ ءونىمى ءوندىرىلىپ، كورسەتكىش 158,8% قۇراعان. مۇنداي ونىمدەرگە سابىن، ءارتۇرلى جۋ قۇرالدارى، سپيرت تىڭايتقىش، بوياۋ جانە كومىرتەگى ديوكسيدى كىرەدى.
سابىن وندىرۋدە قالادا كوش باستاپ تۇرعان «شىمكەنتماي» اق قالدىقسىز ءوندىرىس تەحنولوگياسىن قولدانۋدىڭ ارقاسىندا جۇزەگە اسىرىپ وتىر. كاسىپورىننىڭ نەگىزى مايدى قايتا وڭدەۋ ونىمدەرى بولىپ تابىلادى. ءداستۇرلى كىر سابىننان بولەك، قۇرامىندا كوكوس مايى بار سابىن دا شىعارادى.
