اياجان ەدىلوۆانى ءولتىرۋ ءىسى سوتقا جىبەرىلەدى

657

اياجان ەدىلوۆانى زورلاۋ مەن ءولتىرۋ ءىسى سوتقا ءوتتى. بۇل تۋرالى الماتى قالالىق سوتى مالىمدەدى، دەپ حابارلايدى "ادىرنا" ۇلتتىق پورتالى. 

الماتى قالاسىنىڭ سمۋس-نا زورلاۋ، سونداي -اق ەرەكشە قاتىگەزدىكپەن ادام ءولتىرۋ قىلمىسى بويىنشا ت. -عا قاتىستى قىلمىستىق ءىس ءتۇستى. بۇل ءىس جابىق ەسىك جاعدايىندا وتەدى، ويتكەنى بۇل جىنىستىق قول سۇعۋشىلىققا قاتىستى، - دەلىنگەن حابارلامادا.

الدىن الا تىڭداۋدا ءىستى قاراۋ ماسەلەسى نە القابيلەردىڭ قاتىسۋىمەن، نە ءبىر سۋديامەن شەشىلەدى.

19 ناۋرىزدا الماتىدا 19 جاسار اياجان ەدىلوۆا ەسىمدى قىز جوعالىپ كەتكەن بولاتىن. 22 ناۋرىزدا ونىڭ ولتىرىلگەنى انىقتالدى. پوليتسيا «كىسى ءولتىرۋ» بابى بويىنشا تەرگەۋ جۇرگىزدى، ءىس بويىنشا تۇركىستان وبلىسىنىڭ 1993 جىلى تۋىلعان تۇرعىنى ۇستالدى.

اياجان ەدىلوۆانىڭ دەنەسى بولشەكتەلگەن كۇيدە تابىلدى. كۇدىكتى ۇيدەن قالدىقتاردى شىعارىپ، قوقىس جاشىكتەرىنە لاقتىرىپ ۇلگەرگەن.

"ادىرنا" ۇلتتىق پورتالى

پىكىرلەر
ۇقساس جاڭالىقتار