عالىمدار: "ۆ6 جانە ۆ12 ۆيتاميندەرىن كوپ مولشەردە قابىلداۋ وكپە ىسىگىنە اكەلەدى"

2448
Adyrna.kz Telegram

ۆ6 جانە ۆ12 ۆيتاميندەرىن كوپ مولشەردە قابىلداۋ وكپە ىسىگىنىڭ دامۋىن تەزدەتەدى. بۇل تۋرالى وگايو مەملەكەتتىك ۋنيۆەرسيتەتىنىڭ عالىمدارى جۇرگىزگەن زەرتتەۋدە كورسەتىلگەن دەپ حابارلايدى "ادىرنا" ۇلتتىق پورتالى "ريا نوۆوستيگە" سىلتەمە جاساپ.

زەرتتەۋ بارىسىندا ساراپشىلار 77 مىڭنان استام اداممەن ساۋالناما جۇرگىزىپ، ۆ دارۋمەنىن قانشالىقتى ءجيى قابىلدايتىنىن سۇراعان. زەرتتەۋدە كەيىنگى ون جىلداعى تاماق راتسيونى دا ەسكەرىلگەن.

التى جىلدان كەيىن زەرتتەۋشىلەر وكپەنىڭ قاتەرلى ىسىگىنىڭ بەلگىلەرىن انىقتاۋ ءۇشىن تاجىريبەگە قاتىسۋشىلاردىڭ دەنساۋلىعىن تەكسەرگەن. قاتەرلى ىسىك اۋرۋىنىڭ قاۋپىنە اسەر ەتەتىن كورسەتكىشتەردى تەكسەرگەننەن كەيىن، عالىمدار ۆ12 دارۋمەنىمەن بايلانىستى دەربەس وكپە وبىرىنىڭ قاۋپى 30 پايىزعا جانە ۆ6 ءۆيتامينىن قابىلداعاندا، 40 پايىزعا جوعارىلايتىنىن حابارلادى.

اسىرەسە، ەر ادامداردىڭ كوپ مولشەردە قابىلداۋى ايتارلىقتاي زيان ەكەنى ايتىلدى.

"ۆ12 ءۆيتامينىن تاۋلىگىنە 55 ميكروگرامنان كوپ قابىلداعان ەر ادامداردا ۆ دارۋمەنىن قابىلداماعان ەر ادامدارعا قاراعاندا وكپە ىسىگىنىڭ دامۋى 98 پايىزعا جوعارى بولدى. شىلىم شەككەن، ءۆيتاميندى كوپ مولشەردە قابىلداعان ەر ادامداردا وكپە راگىنىڭ دامۋ ىقتيمالدىعى ءۇش-ءتورت ەسە كوپ",- دەيدى زەرتتەۋدىڭ جەتەكشى اۆتورى تەودور براسچي.

ول ۆ6 دارۋمەنى ادەتتە 100 ميلليگرامم تابلەتكادا، ال ۆ12 500-3000 ميلليگرامم تابلەتكادا ساتىلاتىنىن، ال ءبىرىنشى ۆيتامينگە ۇسىنىلاتىن تاۋلىكتىك مولشەرلەمە ەكى ميلليگرامم، ال ەكىنشىسى 2,4 ميلليگرامم ەكەنىن ايتتى. سونىمەن قاتار، ءمۋلتيۆيتاميندى كەشەندەردە وسى ۆيتاميندەردىڭ دوزاسى بار ەكەنىن اتاپ ءوتتى.

سونداي-اق، دۇنيەجۇزىلىك قاتەرلى ىسىك اۋرۋلارىن زەرتتەۋ قورىنا تاماقتانۋدى تەك ديەتا ارقىلى جۇرگىزۋدى ۇسىنادى. ۆ6 جانە ۆ12 ۆيتاميندەرىنە باي تاعامدارعا بالىق، ەت، قۇس ەتى جاتادى.

 

"ادىرنا" ۇلتتىق پورتالى.

پىكىرلەر