بۇگىن دەنساۋلىق ساقتاۋ ءمينيسترى الەكسەي تسوي قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ءسوز سويلەدى، ونىڭ بارىسىندا جۇرتشىلىق پەن باق-تى حالىقتى كۆي-عا قارسى ۆاكتسيناتسيالاۋ جانە رەۆاكتسيناتسيالاۋ تۋرالى حاباردار ەتتى، سونداي-اق «سالاۋاتتى ۇلت» ۇلتتىق جوباسىنىڭ نەگىزگى باعىتتارىن اتاپ ءوتتى، دەپ حابارلايدى “ادىرنا” ۇلتتىق پورتالى دەنساۋلىق ساقتاۋ مينيسترلىگىنە سىلتەمە جاساپ.
ءوز سوزىندە ا. تسوي مينيسترلىكتىڭ كۆي-عا قارسى ۆاكتسينالاردى ساتىپ الۋ بويىنشا جۇرگىزىپ جاتقان جۇمىسى، پروفيلاكتيكالىق ەگۋلەردىڭ ۇلتتىق كۇنتىزبەسىنە سايكەس حالىقتى ۆاكتسينامەن باسقارىلاتىن اۋرۋلاردان جوسپارلى يممۋنداۋ تۋرالى ايتىپ بەردى. سونداي-اق، ازاماتتاردىڭ كۆي-عا قارسى رەۆاكتسيناتسياسى بويىنشا تاسىلدەر تۋرالى حاباردار ەتتى.
«مەملەكەت باسشىسىنىڭ جولداۋدا ايتىلعان سانيتارلىق-ەپيدەميولوگيالىق قىزمەتتى نىعايتۋ جانە وتاندىق ءدارى-دارمەك ءوندىرىسىن دامىتۋ جونىندەگى تاپسىرمالارى «سالاۋاتتى ۇلت» ءاربىر ازامات ءۇشىن ساپالى ءارى قولجەتىمدى دەنساۋلىق ساقتاۋ» ۇلتتىق جوباسىندا كورىنىس تاپقانىن اتاپ ءوتۋ قاجەت. ۇلتتىق جوبا جالپىۇلتتىق باسىمدىقتار سياقتى ەلىمىزدىڭ ستراتەگيالىق قۇجاتتارىن ەسكەرەدى: قازاقستان رەسپۋبليكاسىنىڭ 2025 جىلعا دەيىنگى ۇلتتىق دامۋ جوسپارى; Nur Otan پارتياسىنىڭ «وزگەرىستەر جولى: اركىمگە لايىقتى ءومىر!»،- دەدى ا.تسوي.
دەنساۋلىق ساقتاۋ مينيسترلىگىنىڭ باسشىسى ۇلتتىق جوبا قر دەنساۋلىق ساقتاۋدى دامىتۋدىڭ مەملەكەتتىك باعدارلاماسىنىڭ قۇقىقتىق ميراسقورى بولىپ تابىلاتىنىن جانە 2025 جىلعا دەيىن ناقتى، قول جەتكىزۋگە بولاتىن مىندەتتەردى قامتيتىنىن اتاپ ءوتتى. سونىمەن قاتار، مينيسترلىك سالانىڭ ۇزاق مەرزىمدى پەرسپەكتيۆالارى مەن وپەراتسيالىق قىزمەتىن كورسەتەتىن دەنساۋلىق ساقتاۋدى دامىتۋ تۇجىرىمداماسىن ازىرلەۋدە.
جالپى ۇلتتىق جوبا مەديتسينالىق كومەكتىڭ قولجەتىمدىلىگى مەن ساپاسىن ارتتىرۋدى; ەپيدەميولوگيالىق بولجاۋ مەن دەن قويۋدىڭ قازىرگى زامانعى جۇيەسىن قالىپتاستىرۋدى; وتاندىق فارماتسەۆتيكا سالاسىن دامىتۋدى; سالاماتتى ءومىر سالتىن ۇستاناتىن حالىقتىڭ ۇلەسىن ۇلعايتۋدى جانە بۇقارالىق سپورتتى دامىتۋدى قامتيتىن 4 باعىتتان تۇرادى.
ءار باعىت بويىنشا مىندەتتەر مەن ناتيجەلەر كورسەتكىشتەرى بەلگىلەنگەن. ۇلتتىق جوبانى ىسكە اسىرۋ مەديتسينالىق كومەكتىڭ قولجەتىمدىلىگىن ارتتىرۋعا، جۇكتى ايەلدەردىڭ دەنساۋلىعىن ساقتاۋعا جانە بالالاردىڭ دەنساۋلىعىن نىعايتۋعا، مۇمكىندىكتەرى شەكتەۋلى بالالاردى وڭالتۋمەن قامتۋعا، كادر الەۋەتىن نىعايتۋعا ىقپال ەتەتىن بولادى. سونداي-اق، ۇلتتىق جوبا ەپيدەميولوگيالىق قىزمەتتى جەتىلدىرۋ، وتاندىق فارماتسەۆتيكالىق ونەركاسىپتى دامىتۋ جانە سالاۋاتتى ءومىر سالتىن ىنتالاندىرۋ جونىندەگى شارالاردى ىسكە اسىرۋعا باعىتتالعان.
”ادىرنا” ۇلتتىق پورتالى
